एजेन्सी – ब्राजिलियन सुपरस्टार नेयमारको राष्ट्रिय टोलीबाट कप्तानी पद खोसिएको छ । कोपा अमेरिकाको लागि घोषणा गरेको अन्तिम टोलीबाट प्रशिक्षक टिटेले उनलाई कप्तान पदबाट हटाएका हुन् ।
नेयमारलाई आठ महिनाअघि मात्र स्थायी कप्तानको जिम्मेवारी दिइएको थियो । तर पछिल्लो समय अनुशासनका कारण समस्यामा आएका नेयमारलाई प्रशिक्षक टिटेले शनिबार कप्तानबाट बाहिरिएको जानकारी दिए । उनको स्थानमा ड्यानी आल्भेसलै कप्तानको जिम्मेवारी दिइएको छ । नेयमार र आल्भेस दुवै पेरिस सेन्ट जर्मेन (पीएसजी) बाट खेल्ने गर्छन ।
३६ वर्षिय डिफेन्डर आल्भेसले कतार र होन्डुरससंग मैत्रीपूर्ण खेलमा टोलीको कप्त्रानी सम्हाल्नेछन् । उनले यसअघि ४ पटक ब्राजिलको कप्तानी सम्हाल्नेछन् । घरेलु मैदानमा आयोजना हुने कोपा अमेरिकामा समूह ‘ए’ मा ब्राजिलले बोलिभिया, भेनेजुएला र पेरुको सामना गर्नेछ । प्रतियोगिता जुन १४ देखि ७ जुलाईसम्म हुनेछ ।
