एजेन्सी – जर्मन प्रशिक्षक योर्गेन क्लोपको आफ्नो टोलीलाई फाइनल पुर्याउने सिलसिला राम्रो छ । तर फाइनल पुगेपछि सफलता भने त्यसअनुसार प्राप्त गर्न सकेका छैनन् ।
शनिबार च्याम्पियन्स लिगको फाइनलमा लिभरपुलले टोटेनहम हट्सपरको सामना गर्दा क्लोपसँग लगातार ६ फाइनल खेलको हारको सिलसिलामा पूर्णविराम लगाउने चुनौती पनि हुनेछ । त्यसमध्य दुई हार च्याम्पियन्स लिग फाइनलमा नै भोगका छन् । यसकारण पनि च्याम्पियन्स लिग फाइनलमा हारको ह्याट्रिक नहोस भन्ने लक्ष्यसाथ मैदानमा देखिनेछन् ।
५१ वर्षीय प्रशिक्षक क्लोप लिभरपुल आएयता चौथो फाइनल खेल्दैछन् । उनको यो क्लबमा तेस्रो सिजन हो । आफ्नो प्रशिक्षक करिअरमा भने क्लोप आठौं पटक फाइनल खेल्दैछन् । हालसम्म क्लोपले सम्हालेका टोलीले फाइनलमा कस्तो प्रदर्शन गरेका छन् त ?
२०१२ मे १२ : जर्मन कप फाइनल
बोरुसिया डर्टमुन्ड ५-२ बायर्न म्युनिख
२०१३ मे २५ : च्याम्पियन्स लिग फाइनल
बोरुसिया डर्टमुन्ड १-२ बायर्न म्युनिख
२०१४ मे १७ : जर्मन कप फाइनल
बोरुसिया डर्टमुन्ड ०-२ बायर्न म्युनिख
२०१५ मे ३० : जर्मन कप फाइनल
बोरुसिया डर्टमुन्ड १-३ वल्फसबर्ग
२०१६ फेब्रुअरी २८ : लिग कप फाइनल
लिभरपुल १-१ म्यानचेस्टर सिटी (टाइब्रेकरमा सिटी ३-१ ले विजयी)
२०१६ मे १८ : युरोपा लिग फाइनल
लिभरपुल १-३ सेभिल्ला
२०१८ मे २६ : च्याम्पियन्स लिग फाइनल
रियल म्याड्रिड ३-१ लिभरपुल
