एजेन्सी – ड्यानियल स्टुरिज र अल्वर्टाे मोरेनोले लन्डन क्लब लिभरपुल छाड्ने भएका छन् । दुवै खेलाडीको सम्झौता सकिएसँगै क्लबले नवीकरण नगर्ने भएसँगै उनीहरुले लिभरपुल छाड्ने पक्का भएको हो ।

क्लबले उनीहरुको सम्झौता नवीकरण नहुने बताएका छन् । दुवै खेलाडीको सम्झौता यसै महिना सकिदैछ । च्याम्यिन्स लिग विजेता स्टुरिज २०१३ जनवरीमा लन्डन क्लब चेल्सीबाट लिभरपुल पुगेका थिए । उनले लिभरपुलका लागि १६० खेल खेल्दै ६७ गोल गरेका छन् ।

यता, सन् २०१४ मा स्पेनिस क्लब सेभियाबाट लिभरपुल पुगेका मोरेनोले लिभरपुलका लागि १४१ खेल खेल्दै मात्र ३ गोल गरेका छन् । दुवै खेलाडीले सन् २०१८/१९ को सिजनमा पहिलो रोजाईमा पर्न निकै संघर्ष गर्नुपरेको थियो । स्टुरिजले ८ खेलमा पहिलो रोजाईमा खेल्दा मोरेनोले जम्मा ४ खेलमा शुरुवाती मौका पाएका छन् ।

अग्रपङ्तिमा मोहम्मद सलाह, रोवर्टाे फिर्मिनो र साडियो माने रहँदा स्टुरिजले पछिल्लो दुई सिजन निकै कम मौका पाएका थिए ।

प्रशिक्षक योर्गेन क्लोपले ड्रेसिङ रुममा उनको सहभागिता रेड्सको सफलतामा निकै महत्वपुुर्ण भुमिका रहेको बताएका छन् । ‘मेरो स्क्वाडमा धेरै खेलाडी छन् । स्टुरिजले लिभरपुलका लागि धेरै दिएका छन् । उनी लिभरपुलका अभिभावक जस्तै बनेका छन् ।’ क्लोपले भने, ‘लिभरपुलको यो सिजनको सफलतामा उनले महत्वपुर्ण भुमिका निभाएका छन् ।

उनी लिभरपुलका लागि महत्वपुर्ण र ठुला खेलाडी हुन् । उनी स्मार्ट, आत्मविश्वासी र निडर खेलाडी हुन् । उनी युवा खेलाडीका लागि प्रेरणाको स्रोत हुन् । उनी एक वेस्ट फिनिसर हुन् । मैले उनमा त्यो क्षमता देखेको छु ।’