एजेन्सी – अन्तर्राष्ट्रिय मैत्रीपुर्ण खेलमा एसियाली पावरहाउस जापान क्यारेवियन ट्रिनिडाड एन्ड टोबागोसँग बराबरीमा रोकिएको छ ।
बुधबार साँझ भएको मैत्रीपुर्ण खेलमा जापान ट्रिनिडाड एन्ड टोवागोसँग गोलरहित बराबरीमा रोकिएको हो ।
खेलभर जापानले दवाव सिर्जना गरेपनि ट्रिनिडाडको बलियो रक्षापङ्ति तोड्न नसक्दा बराबरीमा रोकिन पुग्यो । जापानले १९ सट प्रहार गरेपनि गोल गर्न सकेनन् ।
जापान ब्राजिलमा आयोजना हुने कोपा अमेरिका कप खेल्ने तयारीमा छ । त्यसअघि जापानले इएल साल्भाडोरसँग मैत्रीपुर्ण खेल खेल्दैछ । जापान कोपा अमेरिका कपमा चिली, उरुग्वे र इक्वेडर रहेको समूह ‘सी’ मा छ ।
जापान ले १८ जुनमा चिलीसँग खेल्दै कोपा अमेरिका कपको शुरुवात गर्दैछ ।
ट्रिनिडाड एन्ड टोवागो कोन्काफ गोल्डकप खेल्ने तयारीमा छ ।
