एजेन्सी – इटाली तथा फ्रेन्च लिग वान च्याम्पियन पेरिस सेन्ट जर्मेन (पीएसजी) का भेट्रान गोलरक्षक जियानलुइजी बुफोनले क्लब छाड्ने भएका छन् ।
सम्झौता नवीकरण नभएसँगै भेट्रान गोलरक्षक बुफोनले पीएसजी छाड्ने पक्का भएको छ । भेट्रान गोलरक्षक बुफोनले क्लब छाड्ने पुष्टि गरेको छ ।
४१ वर्षीय बुफोन गतवर्ष जुलाईमा एक वर्षका लागि युभेन्टस छाड्दै पीएसजी आएको थियो । उनको सम्झौता यसै महिनाको अन्त्यसँगै सकिदैछ ।
‘आजबाट इटाली बाहिरको मेरो यात्रा सकिएको छ । पीएसजीले मलाई नवीकरणको लागि आग्रह गरेको थियो । तर, नयाँ अनुभवका लागि मैले क्लबसँगको सम्झौतमा नवीकरण गरिन ।’ बुफोनले भने, ‘म विशेषगरी क्लबका अध्यक्ष नासिर अल खेलाइफी र टिम सहयात्रीलाई विशेष धन्यवाद दिन चहान्छु । म क्लबलाई थप सफलताको शुभकामना दिन चहान्छु । पिएसजी छाड्ने निर्णयमा खुशी छु ।’ अब कहाँ जाने केही कुरा उल्लेख छैन ।
इटालीका पुर्व कप्तान तथा गोलकिपर बुफोनले १७ वर्ष युभेन्टसमा बिताएर पीएसजी आएका थिए । उनले यो सिजन पीएसजीका लागि २५ खेल खेले । यसक्रममा उनले ९ क्लिन सिट राखे । जसमा दुई उपाधि समेत छन् ।
