एजेन्सी – आयोजक इजिप्टले अफ्रिका कप अफ नेसन्समा संघर्षपुर्ण जितसहित विजयी सुरुवात गरेको छ ।
कायरोस्थित कायरो अन्तर्राष्ट्रिय स्टेडियममा भएको खेलमा आयोजक इजिप्टले जिम्बाबेलाई १–० ले पराजित गर्दै विजयी शुरुवात गरेको हो । महमु ट्रेजेगेटले पहिलो हाफमा गरेको गोल र्नै इजिप्टको जितमा निर्णायक बन्यो ।
खेलभर नै जिम्वावेलाई दवावमा राखेको इजिप्टले थप गोल गर्न नसक्दा पहिलो हाफको गोल नै निर्णायक सावित भयो । खेलको आठौं मिनेटमा इजिप्टका महमु ट्रेजेगेटले गोलको मौका खेर फालेको थिए । ११औं मिनेटमा अब्दुल्लाहले पनि मौका खेर फाले । १६औं मिनेटमा मोहम्मद सलाहले गोलको मौका खेर फाल्दा इजिप्ट अग्रता लिनबाट चुक्यो ।
तर, ४१औं मिनटेमा महमु ट्रेजेगेटले एमान अस्राफको पासमा गोल गर्दै इजिप्टलाई अग्रता दिलाएका थिए । दोस्रो हाफमा इजिप्टले आधादर्जन गोल पोस्ट आक्रमण बुनेपनि गोल गर्न असमर्थ बन्यो ।
जितसँगै इजिप्ट समूह ‘ए’ मा ३ अंक जोडेको छ । जिम्वावे पुछारमा छ । यो समूहमा कंगो र युगान्डा रहेका छन् । अफ्रिकी महादेशको सबै भन्दा ठुलो प्रतियोगिता अफ्रिका कप अफ नेसन्समा २४ टिम सहभागी छन् ।
