आज राति हुने च्याम्पियन्स लिगको फाइनलमा खेल्ने दुइ म्याड्रिड टोलीको हेड टु हेड रेकर्ड हेर्ने हो भने एट्लेटिको रियलभन्दा अगाडी देखिएको छ|

गत जनवरी २०१५ देखि अहिलेसम्म रियल म्याड्रिड र एट्लेटिको म्याड्रिडले एक आपसमा छ खेल खेलेका छन्| रियलले एक खेलमा जित हात परेको छ भने एट्लेटिको दुइ खेलमा विजयी भएको छ| म्याड्रिड डर्बिका तिन खेल भने बराबरीमा सकिएको छ| गत फेब्रुअरी २७ तारिखमा खेलिएको खेलमा एट्लेटिकोले रियललाइ बर्नाबाउमा गएर १-० ले हराएको थियो| सो खेलमा एट्लेटिकोका लागि एन्टोइन ग्रिज्मनले विजयी गोल गरेका थिए|

विगत छ खेलमा रियलले चार गोल गरेको छ भने एट्लेटिकोले आठ गोल गर्न सफल भएको छ| रियलले सो समयावधिमा १६ पहेंलो कार्ड पाएको छ भने एट्लेटिकोले २५ पहेंलो र एउटा रातो कार्ड पाएको छ|

च्याम्पियन्स लिगमा दुइ वर्षअगाडी जितको संघारमा पुगेको एट्लेटिकोले सर्जियो रामोसको अन्तिम मिनेटको गोलले अतिरिक्त समयमा पुगेर ४-१को हार व्यहोरेको थियो| सोहि खेलको बदला लिदै पहिलोपटक च्याम्पियन्स लिग उपाधि जित्ने दाउमा छ एट्लेटिको|