काठमाडौं (हाम्रो खेलकुद )- झम्सिखेल युवा क्लब र मनोहरा युनाइटेड युवा क्लबले सहिद स्मारक सी डिभिजन लिगमा आफ्नो शीर्षतालाई जोगाइ राखेका छन् । बिहीबारको खेलमा झम्सिखेलले सानेपा युथ क्लबलाई २–० ले तथा मनोहरा युवा क्लब खालीबारी युवा क्लबलाई ३–१ ले हरायो ।
पछिल्लो जितपछि झम्सिखेलको समूह ‘ए’ मा ७ अंक पुगेको छ । ४ खेलमा चौथो जित हासिल गरेको महोहरा १२ अंकका साथ समूह ‘बी’ को शीर्षस्थानमा अझै मजबुत बनेको छ । आकाश लामाले ३४ औं मिनेटमा गोल गर्दै मनोहरालाई अग्रता दिलाएका थिए । ६२ औं मिनेटमा खालीबारीका प्रसन मगरले बराबरी गोल फर्काएका थिए । तीर्थ बस्नेतले ८४ औं मिनेटमा गोल गरेपछि मनोहराले पुनः अग्रता लियो भने विक्रम बिसुंखेले इन्जुरी समयको तेस्रो मिनेटमा अर्को गोल थपेपछि टोलीको जित पक्का बन्यो । एन्फा कम्प्लेक्स सातदोबाटोमा विकास लामाले दुवै गोल गरेपछि झम्सिखेलले तेस्रो खेलेमा दोस्रो जित हासिल ग¥यो ।
