5 years ago
August 23, 2019
एजेन्सी – इंग्लिस क्लब वल्भ्स युरोपा लिगको छनोटको नजिक पुगेको छ । प्लेअफ अन्तर्गत बिहीबार राति भएको पहिलो लेगको खेलमा इटालियन क्लब टोरिनोमाथि ३–२ को रोमाञ्चक जित निकाल्दै वल्भ्स युरोपा लिगको छनोट नजिक पुगेको हो ।
अवे मैदानमा पाएको जितले वल्भ्स छनोटनजिक पुगेको हो । अब वल्भ्सले घरेलु मैदानमा अगष्ट २९ मा हुने दोस्रो लेगमा बराबरी वा १–० ले पराजित भएको अवस्थामा १९८०/८१ पछि पहिलोपटक युरोपियन च्याम्पियनमा छनोट हुनेछ ।
प्रतिस्पर्धात्मक बनेको खेलमा अग्रता वल्भ्स खेलको ४३औ मिनेटमा सिल्भा नासिमेन्टोको आत्मघाति गोलबाट अघि बढेको थियो । डियोगो जोटाले ५९औ मिनेटमा गोल गर्दै वल्भ्सको अग्रता दोब्बर बनायो ।
६१औ मिनेटमा लोरेन्जो डी सिल्वेस्ट्रीले गोल गर्दै घरेलु टोली टोरिनोलाई खेलमा फर्काउने संकेत दिए । ७२औ मिनेटमा राउल जिमेनेजले गोल गर्दै वल्भ्सलाई खेलमा ३–१ ले अघि बढाए । खेल सकिन एक मिनेट बाँकी छदाँ एन्ड्रिया बेलोटीले पेनाल्टीमा गोल गर्दै घरेलु टोलीको हार अन्तर घटाउने काम गरेपनि खेलमा फर्कन निकै ढिला भएको थियो ।
टोरिनोलाई युरोपो लिगमा छनोट हुन दोस्रो लेगमा कम्तीमा पनि २–० को जित आवश्यक छ ।
प्ले अफका अन्य खेलको नतिजा
एजे अल्कारमारविरुद्ध रोयल एन्टवर्प (१–१)
एफसी एसबीविरुद्ध भिटोरिया (०–०)
जेन्टविरुद्ध रिजेका (२–१)
पीएसभी इन्डोभेनविरुद्ध एपोलोन (३–०)
स्टार्सवर्गविरुद्ध फ्रान्कफर्ट (१–०)
ब्रागाविरुद्ध स्पार्कटाक मस्को (१–०)
सेल्टिकविरुद्ध एलके (२–०)
लिनफिल्डविरुद्ध क्वारावाग (३–२)
इस्पान्योलविरुद्ध जोर्या (३–१)
पार्टीजान वियोग्राडविरुद्ध मोल्डे (२–१)
स्लोभेन ब्राटिसलाभा विरुद्ध पाओक (१–०)
May 10, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार भएका खेलमा बागमती युथ क्लब र पुल्चोक स्पोर्ट्स क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा बागमतीले रानीवन स्पोर्ट्स क्लब विरुद्ध ३-१ को जित दर्ता गर्यो । बागमतीको जितमा दिपेश राईले दुई गोल तथा सृजन राज गौतमले एक गोल गरे […]
May 10, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल अखदुद विरुद्ध ३-२ को जित दर्ता गरेको हो । खेलको सातौं मिनेटमा अली अल हसनको पासमा गोल गर्दै मार्सलो ब्रोजोभिचले अल नासरलाई अग्रता दिलाएका थिए । सो अग्रता १५औं मिनेटमा क्रिस्टियानो रोनाल्डोले अल हसनकै पासमा दोब्बर बनाए […]
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]