5 years ago
August 24, 2019
एजेन्सी – स्पेनलाई सन् २०१० को विश्वकप र सन् २००८ र २०१२ को युरो जिताउन महत्त्वपूर्ण भूमिका निर्वाह गरेका फरवार्ड फर्नान्डो टोरेसले खेलजीवनबाट सन्न्यास लिएका छन् ।
जापानको सागन टोसु फुटबल क्लबमा रहेका टोरेसले ३५ वर्षको उमेरमा अन्तिम खेल खेल्दै आफ्नो खेलाडी करिअरलाई बिट मारेका हुन् । उनको टोलीले अन्तिम खेलमा स्पेनिस मिडफिल्डर आन्द्रेस इनीएस्टा सम्मिलित भिसेल कोबेसँग ६-१ को पराजय भोग्यो । इनिएस्टा र टोरेसले स्पेनका लागि उमेर समूहको टोली देखि नै संगै खेलेका थिए ।
एटलेटिको म्याड्रिडबाट व्यावसायिक करिअर सुरु गरेका उनले प्रिमियर लिग क्लब लिभरपुलबाट खेल्दै उच्च प्रदर्शन गरेका थिए । त्यसपछि प्रिमियर लिगको कीर्तिमानी ट्रान्सफरमा चेल्सी पुगेका उनले सोचेअनुरुप प्रदर्शन गर्न सकेनन् ।
चेल्सीबाट लोनमा एसी मिलानबाट समेत उनले केहि समय खेले । खेल जीवनको अन्त्यतिर एटलेटिको म्याड्रिडनै फर्किएका टोरेसले जापानी क्लबबाट खेल्दै बिदा लिएका हुन् । टोरेसले स्पेनका लागि १ सय १० खेल खेल्दै दुई पटक युरो कप जिताउँदा दुवै फाइनलमा गोल गरेका थिए ।
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]