5 years ago
September 12, 2019
सुबास हुमागाईं, काठमाडौं नेपाली महिला राष्ट्रिय फुटबल टोलीकी फरवार्ड सावित्रा भण्डारीले नेपालका लागि अन्तर्राष्ट्रिय फुटबलमा सर्वाधिक गोल गर्ने कीर्तिमानको बराबरी गरेकी छिन् । नादेझ्दा कपको फाइनलमा उज्बेकिस्तानविरुद्ध २ गोल गर्दै सावित्राले अनुको ३५ गोलको कीर्तिमान बराबरी गरेकी हुन् । सावित्राले राष्ट्रिय टोलीका लागि ३७ खेल खेल्दै ३५ गोल गरेकी छिन् । सन् २०१४ को साफ […]
सुबास हुमागाईं, काठमाडौं
नेपाली महिला राष्ट्रिय फुटबल टोलीकी फरवार्ड सावित्रा भण्डारीले नेपालका लागि अन्तर्राष्ट्रिय फुटबलमा सर्वाधिक गोल गर्ने कीर्तिमानको बराबरी गरेकी छिन् । नादेझ्दा कपको फाइनलमा उज्बेकिस्तानविरुद्ध २ गोल गर्दै सावित्राले अनुको ३५ गोलको कीर्तिमान बराबरी गरेकी हुन् ।
सावित्राले राष्ट्रिय टोलीका लागि ३७ खेल खेल्दै ३५ गोल गरेकी छिन् । सन् २०१४ को साफ च्याम्पियनसिपमा भुटानविरुद्ध खेल्दै राष्ट्रिय टोलीबाट डेब्यु गरेकी सावित्राले त्यसपछि लगातार राष्ट्रिय टोलीका लागि गोल गर्दै आएकी छिन् । डेब्यु खेलमा नै गोल गर्दै सानदार सुरुवात गरेकी सावित्राले त्यसपछि अर्को गोल गर्न ७ खेल कुर्नुपर्यो ।
सन् २०१६ को दक्षिण एसियाली खेलकुदमा श्रीलंकाविरुद्ध २ गोल गरेकी सावित्राले मलेसियाविरुद्ध नेपालमा भएको मैत्रीपूर्ण खेलमा विजयी गोल गरेकी थिइन् । त्यसपछि भारतको सिलिगुडीमा भएको साफ च्याम्पियनसिपमा उनले ४ खेलमा १२ गोल गरेकी थिइन् । त्यस प्रतियोगितामा भुटानविरुद्ध ६ र माल्दिभ्सविरुद्ध ५ गोल गरेपछि उनी चर्चाको शिखरमा पुगेकी थिइन् ।
मलेसियाविरुद्ध मैत्रीपूर्ण खेलमा गोल गरेपछि सावित्राले ओलम्पिक छनोट अन्तर्गत म्यानमारलाई बराबरीमा रोक्दा पनि गोल गरिन् । भारतमा भएको हिरो गोल्डकपमा भारत र इरानविरुद्ध जितमा २-२ गोल गरेकी उनले नेपालमा भएको साफ च्याम्पियनसिपमा सबै ४ खेलमा १-१ गोल गर्न सफल भइन् । त्यसपछि ओलम्पिक छनोटको दोस्रो चरणमा इन्डोनेसियाविरुद्ध २-१ को जितमा दुवै गोल उनको नाममा रहयो ।
किर्गीस्तानमा जारी नादेझ्दा कपको पहिलो खेलमा आयोजकविरुद्ध ४ गोल गर्दै उनले गोलसंख्या ३२ पुर्याइन् । त्यसपछि समूहको अन्तिम खेलमा ताजिकिस्तानविरुद्ध विजयी गोल गरेकी सावित्राले फाइनलमा २ गोल गरेकी हुन् ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]