एजेन्सी – इटालियन सिरी ‘ए’ फुटबलमा नेपोलीले प्रभावशाली जित निकालेको छ । घरेलु टोली लिसमाथि नेपोलीले ४–१ को प्रभावशाली जित निकालेको हो ।
आइतबार राति भएको खेलमा नेपोलीको प्रभावशाली जितमा फर्नान्डो लोरेन्टेले दुई तथा लोरेन्जे इनसिग्ने र फावियनले समान एक गोल गरे । घरेल टोलीका मार्काे मनकोसुले सान्त्वना गोल फर्काए ।
नेपोलीले खेलको २८औं मिनेटमा फर्नान्डो लोरेन्टेको गोलबाट अग्रता लिएको थियो । ४०औं मिनेटमा इनसिग्नेले गोल गर्दै नेपोलीलाई पहिलो हाफमा २–० ले अघि बढाए ।
५२औं मिनेटमा फावियनले गोल गर्दै नेपोलीलाई फराकिलो जिततर्फ अघि बढाए । ६१औं मिनेटमा मार्काेले पेनाल्टीमा गोल गर्दै घरेलु टोलीलाई खेलमा फर्काउने संकेत दिएपनि फर्नान्डो लोरेन्टले गोल गर्दै घरेलु टोलीलाई ४–१ को हार चखाए ।
जितसँगै नेपोली ४ खेलबाट ९ अंक जोडेर तेस्रो स्थानमा उक्लिएको छ । लिस ३ अंक जोडेर १८औं स्थानमा छ ।
सिरी ‘ए’ को अन्य खेलको नतिजा
ससुलोविरुद्ध एसपाल (३–०)
बोलोग्नाविरुद्ध रोमा (१–२)
साम्पोडोरियाविरुद्ध टोरिनो (१–०)
एटलान्टाविरुद्ध फियोरेन्टिना (२–२)
लाजियोविरुद्ध पर्मा (२–०)
