एजेन्सी – युइएफए च्याम्पिन्स लिग फुटबलमा रसियन क्लब जेनिथ सेन्ट पिटर्सवर्ग र फ्रेन्च लिग वान क्लब लियो विजयी भएका छन् । घरेलु टोली जेनिथले पोर्चुगिज क्लब बेन्फिकामाथि ३–१ को जित निकालेको हो ।

जेनिथको जितमा अर्टिम ज्युभा र सरदार अजमौनले गोल गरे । एक गोल उपहार पाएको थियो । बेन्फिकाका डि टोमासले सान्त्वना गोल फर्काए । घरेलु टोलीले खेलको २२औं मिनेटमा ज्युभाको गोलबाट अग्रता लिएको थियो । उनले मागोमेड ओज्डोइभको पासमा गोल गरे ।

पहिलो हाफमा १–० ले अग्रता लिएको जेनिथले दोस्रो हाफमा आत्मघाती गोलसहित दुई गोल गर्दा एक गोल बेहारेको थियो । ७०औं मिनेटमा रुवेन डियासले आत्मघाती गोल गरेपछि घरेलु टोली खेलमा २–० ले अघि बढेको थियो ।

त्यसको ८ मिनेटपछि सरदारले गोल गर्दै जेनिथलाई सहज जिततर्फ अघि बढाएका थिए । ८५औं मिनेटमा राहुलले गोल गरेपनि बेन्फिकालाई हारबाट जोगाउन सकेनन् । जितसँगै समुह ‘जी’ मा जेनिथ २ खेलबाट ४ अंक जोडेर शीर्षस्थानमा उक्लिएको छ । बेन्फिका अंकविहीन हुदै पुछारमा छ ।

यही समूहको अर्को खेलमा लियोनले घरेलु टोली आरबी लेइप्लिजमाथि २–० को जित निकाल्यो । लियोनको जितमा मेम्फिस डिपे र मार्टिन टेररले गोल गरे । जितसँगै लियोन ४ अंक जोडेर दोस्रो स्थानमा रहेको छ । लेइप्लिज ३ अंकसहित तेस्रो स्थानमा छ ।