दिपक बोहोरा ,पाँचथर
पाँचथरको फिदिममा २०७२ पौष २५ देखि माघ २ सम्म सञ्चालन भएको सातै फाल्गुनन्द गोल्डकपको आय/ ब्याय आयोजक फिदिम स्पोटिङ क्लबले शनिबार पत्रकार सम्मेलन आयोजना गरेर सार्वजनिक गरेको छ । फिदिम स्थित होटल आ:जिमामा पत्रकारहरु र स्थानिय राजनितिक दलका प्रतिनिधिहरुका बिच क्लबका कोषाध्यक्ष बिमल श्रेष्ठले सार्वजनिक गरेका हुन ।
खेल सकिएको चार महिना पछि सार्वजनिक गरिएको प्रतिबेदनमा जम्मा रु.२१,८५,४३३ आम्दानि र जम्मा रु.२०,३०,९२१ खर्च भएको आयोजकले सार्वजनिक गरेकाछन । जसमा रु.१,५४,५२१ खुद नाफा भएको छ । एक हप्ता सम्म सञ्चालन भएको खेलमा टिकट बिक्रि बाट मात्रै रु. ९,२६,६७० आम्दानि भएको छ । यसलाई हेर्दा जिल्लामा फुटबल क्रेज धेरै रहेको अनुमान गर्न सकिन्छ ।
२०७२ पौष २५ देखि माघ २ सम्म सञ्चालन भएको खेलमा आयोजक सहित ८ टिमको सहभागिता रहेको थियो । प्रथम हुने टिमलाई १,११,१११ र द्धितिय हुने टिमलाइ ५५,५५५ रुपौया बितरण गरीएको थियो ।
