पेरिस (एजेन्सी) – युरोपियन च्याम्पियनसिपको समूह इमा आयरल्यान्ड र स्वीडेनले १–१ को बराबरी खेलेका छन् । अल स्क्वारमा भएको खेलमा आयरल्यान्डले दोस्रो हाफमा लिएको अग्रता जोगाउन नसक्दा स्वीडेनसँग अंक बाड्नु परेको थियो ।
आयरल्यान्डका क्लार्कले आफ्नै पोस्टमा हेड गरेको बल । स्वीडेनका इब्राहिमोभिचको क्रस लार्सनले भेट्नुअघि क्लार्कले हेड गरेका थिए ।
दोस्रो हाफको तेस्रो मिनेटमा वेस्टी होलानले आयरल्यान्डलाई अग्रता दिलाएका थिए । सिमुस कालेमनले निकै मेहनत गरि निकालेको पासमा होलानले नजिकबाट गोल गरेका थिए । ७१ औं मिनेटमा केरन क्लार्कले बल रोक्न प्रयास गर्दा आत्मघाती गोल भएको थियो । कप्तान याल्टान इब्राहिमोविचले निकै मेहनतपछि सेबास्टियन लार्सनलाई क्रस निकाल्दिएका थिए । तर लार्सनले बल भेट्नुअघि नै क्लार्कले बल रोक्ने क्रममा आफ्नै पोस्टमा आत्मघाती गोल गर्न पुगेका थिए ।
ग्रुप अफ डेथ मानिएको समूह इको १२ः४५ मा सुरु हुने अर्को खेलमा बेल्जियम र इटालीबीच प्रतिस्पर्धा हुनेछ ।
