काठमाडौँ, १ आषाढ
ललित स्मृति यु१८ फुटबल प्रतियोगिता २०७३ अन्तर्गत सी.एम.जी क्लब संकटा र नेपाल पुलिस क्लबले आज एन्फा कम्प्लेक्समा भएको आ-आफ्नो खेलमा जित दर्ता गरेका छन्|
दिनको पहिलो खेलमा थ्री स्टार क्लबले संकटा क्लबसंग ३-२को पराजय व्येहोर्यो| संकटाका लागि दिपेन्द्र केसीले १९ मिनेटमा खाता खोलेपनि थ्री स्टारका कप्तान अरुज सिंहले २७औं मिनेटमा बराबरी गोल फर्काए| संकटाका कप्तान संजोक राइले ३७औं मिनेटमा गोल गर्दै पुन: संकटलाई अग्रता दिलाए|
दोश्रो हाफमा आक्रामक देखिएको थ्री स्टारका लागि आदित्य शाक्यले कर्नरमा आएको बललाई हाफ भलीबाट गोल गर्दै ७८औं मिनेटमा बराबरी गोल गरे तर ८८औं मिनेटमा बक्स भित्र ह्यान्डबल गरेपछि पाएको पेनाल्टीलाई संकटाका सुमन डंगोलले गोल गरे र जित सुनिश्चित गरे|
अर्को खेलमा गोलरक्षकहरुले बिर्सनलायक प्रदर्शन गरेपछि नेपाल पुलिस क्लबले सरस्वति युवा क्लबमाथि ५-३को जित रच्यो| पुलिसका लागि एलन थापाले ह्याट्रिक गरे भने क्षितिज राज जिटि र सगुन कार्कीले एक-एक गोल गरे| सरस्वतिका ओम प्रकाश सिंहले दुइ र मिंग्मा शेर्पाले एक गोल गरेका थिए|
