वैकल्पिक खेलाडीद्वय जेमी भार्डी र ड्यानिएल स्टरिजले गोल गरेपछि इङ्गल्याण्डले युरो २०१६ अन्तर्गत समुह ‘ग’को खेलमा वेल्सलाई २-१ले पराजित गरेको छ।
पहिलो हाफमा ग्यारेथ बेलको फ्रिकिकको मद्दतले अघि बढेको वेल्सले दोश्रो हाफ भने अग्रता टिकाउन सकेन।
ह्यारी केन र रहिम स्टर्लिङको स्थानमा मैदान प्रवेश गरेका भार्डी र स्टरिज दुवैले गोल गरेपछि इङ्गल्याण्डको विजय सम्भव भएको थियो। भार्डीले ५६औं मिनेटमा र स्टरिजले अतिरिक्त समयको दोश्रो मिनेटमा गोल गरेका थिए।
जितसंगै इङ्गल्याण्डको चार अंक भएको छ भने स्लोभाकिया र वेल्स ३-३ अंक लिएर दोश्रो स्थानमा छन्। रसिया एक अंक बोकेर तालिकाको पुछारमा रहेको छ।
