शनिबार भएको पहिलो खेलमा आएरल्याण्डलाई ३-०ले पराजित गर्दै बेल्जियमले जारि युरो २०१६मा पहिलो जित दर्ता गरेको छ|
पहिलो खेलमा इटालीविरुद्ध २-०को हार व्यहोरेको बेल्जियमका लागि रोमेलु लुकाकुले दुइ गोल गरे भने एक्सेल विट्सेलले एक गोल गरेका थिए| पहिलो हाफमा धेरै मौका पाउँदा पनि राम्रो उपयोग गर्न नसकेर निराश बनेको बेल्जियमले दोश्रो हाफमा सुधारिएको प्रदर्शन गरेको थियो|
४८औं मिनेटमा रोमेलु लुकाकुले उत्कृष्ट फिनिशिंगको नमुना देखाऊँदै गोल गरेपछि अघि बढेको बेल्जियमका लागि एक्सेल विट्सेलले ६१औं मिनेटमा हेडिंग मार्फत दोश्रो गोल गरेका थिए| एडेन हजार्डले मिडफिल्डदेखि बक्ससम्म ल्याएको बल निकै राम्रो पास दिएपछि ७०औं मिनेटमा लुकाकुले व्यक्तिगत दोश्रो गोल थपेका थिए|
जितसंगै बेल्जियम तिन अंक बोकेर समुहको दोश्रो स्थानमा उक्लिएको छ, उसले स्विडेनसंग समुहको अन्तिम खेल खेल्नेछ|
