काठमाडौं (हाम्रो खेलकुद) – गोरखा नगरपालिको दलभन्ज्याङको द ओसन क्लबले क्रितिम मैदान (एस्ट्रो तर्फ ) तयार पार्ने भएको छ । गण्डकी प्रदेशका सांसद हरिशरण आचार्य र गोखरा नगरपालिकाका मेयर राजनराज पन्तले बिहीबार संयुक्त रुपमा क्रितिम मैदानको सिलान्यास गरे ।

४६ मिटर लम्बार २३ मिटर चाडाईको टर्फका लागि ३१ लाख रुपैयाँ भन्दा बढी खर्च हुनु अनुमार रहेको द ओसन क्लबका अध्यक्ष अमित खत्रीले जनाकारी दिए । मैदान तयार गर्न ८ लाख र टर्फका लागि झन्डै २३ लाख रुपैयाँ खर्च हुने क्लबको अनुमान छ । क्रितिम मैदानका लागि प्रदेशको निर्वाच्न क्षेत्र विकास कार्यक्रमार्फत ८ लाख रुपैयाँ र गोखरा नगरपालिकबाट ७ लाख रुपैयाँ उपलब्ध हुने अध्यक्ष खत्रीले बताए ।

गोरखाकै पालुङटार नगरपालिका मेयर दीपकबाबु कँडेलले २ लाख रुपैयाँ दिने वचन दिनु भएको बताइएको छ । एस्ट्रो तर्फ निर्माण पछि फुटबल प्रशिक्षणका लागि सहज हुने क्लबले विश्वास लिएको छ । विदेशमा रहेका गोरखा जिल्लाका व्यक्तिहरुसँग पनि सहयोग संकलन गरिने बताइएको छ ।

मैदान निर्माण कार्यको व्यवस्थापनका क्लबले नविन पाण्डेको संयोजकत्वमा ५ सदस्यीय समिति गठन गरेको छ । मैदान निर्माणका लागि १० हजार रुपैया भन्दा बढी सहयोग गर्ने दाताको नाम स्तम्भमा राख्ने क्लबले तयारी गरेको छ । मैदान निर्माण ४ महिनामा सकिने विश्वास लिइएको छ । गण्डकी प्रदेशका सांसद आचार्य, गोरखा नगरपालिकाका मेयर थप सहयोग गर्ने प्रतिवद्धता समेत जनाएका छन् ।