पेरिस (एजेन्सी) –कमजोर मानिएको आइसल्यान्डसँग इंग्ल्यान्ड युरोपियन च्याम्पियनसिपको प्रि क्वार्टरफाइन्लमा २–१ ले पराजित भएसँगै प्रशिक्षक रोय हड्सनले राजीनामा दिएका छन् ।

रोय हड्सन

च्याम्प्यिनसिपमा भएको खराब प्रदर्शनमा माफी माग्दै उनले पदबाट राजीनामा दिएका छन । उनले इंग्ल्यान्डलाई चाँडै ठूलो प्रतियोगितामा फाइनलमा देख्न पाउने आशा पनि राखेका छन् । यसैपनि उनको सम्झौता युरोपियन च्याम्पियनसिपमा सकिदै थियो । सन् २०१२ मे मा उनी इंग्ल्यान्डको प्रशिक्षक बनेका थिए । ६८ बर्षे हडसनको नेतृत्वमा इंग्ल्यान्डले ५६ खेलमा ३३ खेलमा जितेको थियो । उनको प्रशिक्षणमा इंग्ल्यान्डले ठूला प्रतियोगितामा राम्रो प्रदर्शन गर्न सकेको छैन । यसपटक वेल्स सम्मिलित समूहका उपविजेताका रुपमा प्रिक्वार्टरफाइनल पुगेको टोली ३ लाख ३० हजार जनसंख्या रहेको आयसल्यान्डसँग स्तब्ध भएको छ ।