काठमाडौं (हाम्रो खेलकुद) – कतार एयरवेज सहिद स्मारक ए डिभिजन लिग अन्तर्गत जावलाखेल युथ क्लब र न्यू रोड टिम (एनआरटि) बीचको खेल गोलरहित बराबरीमा टुंगिएको छ ।

दशरथ रंगशालामा सोमबार भएको खेलकाे आठाैं मिनेटमा रुप बहादुर लामाकाे क्रसमा एनआरटीका गाेलरक्षक र डिफेन्सबिच तालमेल नमिल्दाकाे हेडरलाई बियक बियकले टप कर्नरमा हेड गर्दै बचाए । १५अाैं मिनेटमा जावलाखेलका ड्याडी जुनियर वाम्बाले बक्सभित्र राम्राे माैका पाएपनि सदुपयोग गर्न सकेनन् ।

२६अाैं मिनेटमा सुजित बुढाथाेकीकाे फ्रिकिकमा एडमा डाेम्वियाकाे हेडर पाेस्टबाट थाेरै बाहिरिदा जावलाखेल अग्रता लिनबाट चुक्याे । ३०अाैं मिनेटमा रुप बहादुर लामाकाे प्रहारलाई गाेलरक्षक अजित प्रजापतिले मुस्किलले नियन्त्रणमा लिए । पहिलाे हाफकाे ईन्ज्युरी समयकाे थप गरिएकाे फाेफानाकाे हेडर पासमा कुबेर बिष्टकाे प्रहार आकासियाे ।

दोस्रो हाफको ७३ अौं मिनेटमा प्रकाश बुढाथोकीले ३० यार्ड टाढाबाट गरेको फ्रिकिक प्रहारलाई जावलाखेलका गोलरक्षक टिकेन्द्र थापाले डाइभ दिँदै बचाए । ८२ अौं मिनेटमा एनआरटिका राजेश परियारले पेनाल्टी क्षेत्र बाहिरबाट गरेको प्रहारले टिकेन्द्रलाई समस्या दिन सकेन ।

यस नतिजासँगै जावलाखेलको ५ खेलमा २ जित र ३ बराबरीले ९ अंक भएको छ । एनआरटि भने ५ खेलमा २ जित, १ बराबर र २ हारसहित ५ अंकमा छ । गत सिजन पुछारमा रहेको कारण एनआरटिको २ अंक घटाइएको छ ।