काठमाडौं (हाम्रो खेलकुद) –कतार एयरवेज सहिद स्मारक ए डिभिजन लिग अन्तर्गत सोमबारको खेलमा मनाङ मर्स्याङ्दी क्लब र मछिन्द्र क्लबको खेल २-२ को बराबरीमा सकिएको छ ।

खेलको दोस्रो मिनेटमा नै मनाङले अग्रता लिएको थियो। अन्जन विष्टको क्रसमा आडेवुमी फेमीको हेडरलाई गोलरक्षक विशाल श्रेष्ठले बचाउन सकेनन् । २१ औं मिनेटमा रञ्जित धिमालको क्रसमा आडेलाजा सोमिडेले सिक्स यार्ड बक्सभित्र गरेको हेडर थोरैले बाहिरियो ।

लगातार दवाव बनाएको मछिन्द्रले ३१ औं मिनेटमा बराबरी गर्ने सुवर्ण अवसर गुमायो । विशाल राईको फ्रिकिकमा पिटर सेगुनको प्रहारले पोस्टको दिशा लिन सकेन । ३५ औं मिनेटमा सुजल श्रेष्ठको लामो प्रहारलाई मनाङका गोलरक्षक दीप कार्कीले सहजै बचाए ।

अभिषेक रिजालले ३८ औं मिनेटमा पेनाल्टी क्षेत्र बाहिरबाट गरेको प्रहारले दीपलाई समस्या दिन सकेन । लगत्तै रञ्जितको फ्रिकिक प्रहार फितलो रह्यो । ४२ औं मिनेटमा रञ्जितकै क्रसमा अभिषेकको हेडरले पोस्टको दिशा लिन सकेन ।

४६अाैं मिनेटमा सुजल श्रेष्ठले गाेल गर्दै खेललाई १-१ गाेलकाे बराबरीमा ल्याए । सुजलकाे प्रहार पहिलाे बारमा लाग्दै गाेलमा परिणत भएकाे थियाे ।

७१अाैं मिनेटमा विशाल राईकाे फ्रिकिक प्रहारलाई गाेलरक्षक दिप कार्कीले पञ्च गर्दै बचाए । ८१अाैं मिनेटमा एडिलाजा साेमिडेले गाेल गर्दै मछिन्द्रलाई २-१ काे अग्रता दिलाए । उनकाे प्रहारलाई गाेलरक्षकले राेक्ने कुनै माैका नै पाएनन् ।

८८अाैं मिनेटमा विमल रानाले गाेल गर्दै खेललाई २-२ गाेलकाे बराबरीमा ल्याए । जगजित श्रेष्ठकाे क्रसमा गाेलरक्षक विशाल श्रेष्ठले पञ्च गरेपनि रिवाउन्डमा वैकल्पिक खेलाडीका रूपमा मैदानमा प्रवेश गरेका विमलले ६ यार्ड बक्सभित्रबाट गरेकाे प्रहार गमेलमा परिणत भएकाे थियाे ।

खेलपछि दुवै तर्फका खेलाडीहरु एकआपसमा आक्रमक हुँदा तनावको स्थिति सिर्जना भएको थियो ।