लिल (एजेन्सी)
आज बिहानै भएको युरो अन्तर्गतको क्वार्टर फाइनलको खेलमा बेल्जियमलाई वेल्सले ३-१ले पराजित गरेको छ । यो नतिजा पश्चात अब वेल्सले सेमी फाईनलमा पोर्चुगलको सामना गर्ने छ ।
समुह चरणको अन्तिम दुई खेल र राउन्ड अफ १६मा उत्कृष्ट प्रदर्शन गरेको बेल्जियमले जित्ने धेरैले अनुमान गरेपनी गलत साबित भएको छ । उच्च लक्ष्य सहित मैदानमा उत्रीएको बेल्जियमले खेलको १३औं मिनटमा राजडा नाङ्गोलनले गोल गरेपछी आग्रता लिएको थियो तर त्यो खुशी अर्को १७ मिनटमै टोडियो, वेल्सका लागि डिफेन्डर विलियम्सले गोल गर्दै बराबरी गरेका थिए ।
पहिलो हाल्फ १-१मा अन्त्य भएपछी दोस्रो हाल्फमा वेल्सले निकैनै राम्रो खेल प्रदर्शन गरेको थियो । खेलको ५५औँ मिनटमा गोल गर्दै कानुले वेल्सलाई आग्रता दिलाए । वेल्सका लागि तेस्रो गोल साम भोक्सले गरेका थिए ।
