काठमाडौं (हाम्रो खेलकुद)– सानमिगेल मछिन्द्र क्लबले कतार एयरवेज सहिद स्मारक ए डिभिजन लिगमा शनिबार प्रभु बैंक जावलाखेल क्लबलाई १–० ले पराजित गरेको छ ।

जितसँगै १३ अंक बटुलेको मछिन्द्र कम्तीमा  केही समयका लागि शीर्ष स्थानमा उक्लिएको छ ।

दशरथ रंगशालामा विशाल राईको गोलबाट मछिन्द्रले ३१ औं मिनेटमा खेलमा अग्रता लिएको हो । त्यहि गोल खेलको निर्णायक बन्यो । टोलीले थप गोलको अवसर पाए पनि सफल भने भए । १५ औं मिनेटमा मछिन्द्रका रन्जित धिमालको फ्रिकिक बाहिरियो ।

४० औं मिनेटमा रेजिन सुब्बाको प्रहार पोष्ट नजिकबाट बाहिरियो । ४३ औं रेजिनले गरेको गोललाई रेफ्रीले अफसाइड लिए । जावलाखेलका लागि २४ औं मिनेटमा हरि कठायतको प्रहार मछिन्द्रका गोलकिपर विशाल श्रेष्ठले रोके ।

५०अौं मिनेटमा जावलाखेलले बराबरीकाे सुन्दर माैका खेर फाल्यो । फोडे फोफानाको अोभरहेड किक पाेस्टबाट थाेरै बाहिरियाे ।

८३अौं मिनेटमा कुबेर विष्टले बराबरीको सुन्दर माैका खेर फालेका थिए । उनले बक्सभित्र माैका पाएपनि गाेलरक्षक विशालले नियन्त्रणमा लिए । ८८अौं मिनेटमा अभिषेक रिजालको कर्नरमा सुजल श्रेष्ठको हेडर पाेस्ट नजिकबाट बाहिरिदा मछिन्द्रले अग्रता दोब्बर पार्ने मौका गुमायो । 

दोस्रो हाफमा जावलाखेलले मछिन्द्रलाई पुर्ण रुपमा दबाबमा राखेपनि गाेल गर्न असमर्थ बन्दा लिगमा पहिलाे हार भोग्न बाध्य बन्यो ।