राष्ट्रिय टोलीमा केहि महत्वपूर्ण खेलाडीको अनुपस्थितिले भने समर्थकहरुलाई अचम्मित तुल्याएको छ। हाम्रोखेलकुद डट कमले एन्फा नजिकको श्रोतसंग जानकारी लिँदा सबै खेलाडीहरु चोटग्रष्त भएकाले मैत्रीपूर्ण खेलमा अनुपस्थित भएको बुझिएको छ।
प्रकाश बुढाथोकी घुँडाको चोटले एक हप्ताएता प्रशिक्षणमा छैनन् भने हेमन गुरुङ कुर्कुच्चाको चोटले दुइ हप्तादेखि विश्राममा छन्। बिक्रम लामालाई जन्डिसको लक्षण देखिएकोले डाक्टरको सल्लाह अनुसार आराममा छन्। यस्तै कमल श्रेष्ठ पनि बिरामी भएका कारण प्रशिक्षण अवधीमा धेरै समय अनुपस्थित रहे। बिमल घर्ति मगरलाई भने यो मैत्रीपुर्ण खेलको लागि आराम दिइएको छ।
यसअघी रोहित चन्द भने घुँडाको शल्यक्रियाका कारण छ महिना अझै आराममा रहने पक्का भइसकेको थियो।
