धनगढी (हाम्रो खेलकुद)– मोसफलको सर्वाधिक पुरस्कार राशीको सुदुरपश्चिम खप्तड गोल्डकपको चौथो सस्करण अर्को महिना आयोजना हुने भएको छ । आयोजक सुदुरपश्चिम ११ स्पोर्टस क्लबले शनिबार धनगढीमा पत्रकार सम्मेलनमार्फत प्रतियोगिता फागुन ९ गते देखि २० गतेसम्म सञ्चालन हुने जानकारी गराइयो ।

चौधरी गुप्रको नेपाल आइसको मुख्य प्रायोजन हुने प्रतियोगिताका लागि सबै तयारी पुरा भएको क्लबका अध्यक्ष सुरेश हमालले बताए । विभिन्न उपसमिति पनि गठन भइसकेको जानकारी दिइो । यसपटकबाट नाम प्रतियोगिताको नाम नेपाल आइस अन्तराष्ट्रिय आमन्त्रण सुदूरपश्चिम खप्तड गोल्डकप—२०७६ रहनेछ ।

क्लबका अध्यक्ष हमाल र सिजी ब्रुअरीका रिजनल सेल्स म्यानेजर मनोज घिमिरेले सम्झौता पत्रमा हस्ताक्ष गरे । प्रतियोगिताको माध्यमले सुदूरपश्चिमको समग्र विकास र खेल पर्यटनको विकास गर्ने उद्देश्यले आयोजना गरिएको प्रतियोगितालाई सफलतापूर्व आयोजना गर्न सबैको सहयोग आवश्यक रहेकोमा अध्यक्ष हमालले जोड दिए ।

‘सुदूरपश्चिम प्रदेशको पहिचान, फुटवल विकासको अभियान’ भन्ने प्रतियोगिताको नारा रहेको छ । दुई विदेशी सहित १२ टिम सहभागी हुने प्रतियोगिताको विजेताले २१ लाख १ रुपैया प्राप्त गर्नेछ । दोस्रो टोलीले १० लाख १ रुपैँया पाउने क्लबका महासचिव प्रकाश शाहीले बताए ।

धनगढी रगशालामा हुने प्रतियोगिताको उत्कृष्ट खेलाडीलाई मोटरसाईकल, विभिन्न विधाका उत्कृष्ट खेलाडीले समान १५ हजार पाउनेछन । हरेक खेलको म्यान अफ दी म्याचले १० हजार रुपैयाँ प्राप्त गर्नेछ । झन्डै १ करोड रुपैयाँ खर्च हुने प्रतियोगिताको खेलको प्रत्यक्ष प्रसारण एक्सन स्पोर्टस एचडीले गर्नेछ ।

प्रतियोगितालाई नेपाल टेलिकमले सहप्रायोजन गरेको बताइएको छ । त्यस्तै ग्लोबल आईएमई वैंक, एभरेष्ट एकेडेमी, दिनेश सोप सगरमाथा सिमेन्टले प्रतियोगितामा सहयोग गरेका छन् । त्यसैगरी हस्पिटल पाटर्नरमा कैलाली हस्पिटल, ईन्सुरेन्स पाटर्सरमा मेटलाईफ रहेको जनाइएको छ ।