काठमाडौं (हाम्रो खेलकुद) –   आहा रारा गोल्ड कप फुटबल प्रतियोगिताको १८ औं संस्करण फागुनमा हुने भएको छ ।आयोजक सहारा क्लब पोखराले आ रारा गोल्ड कप फागुन २२ गते देखी चैत्र १ गते सम्म हुने जनाएको छ । 

प्रातियोगिताबाट झन्डै  १ करोड २० लाख  रुपैयाँ आम्दानी हुने र झन्डै १ करोड रुपैयाँ खर्च हुने अनुमान गरिएको छ । हाल तेश्रो व्याचको एकेडेमीमा १५ जिल्लाका २४ जना बालकहरु आश्रित छन् ।  प्रतियोगितामा विदेशीहरु, ए डिभिजनका क्लबहरु, मोफसलका टिमहरु र आयोजक सहारा क्लब पोखरा गरि १० टिमबीच प्रतिस्पर्धा हुने छ ।

​“आत्मा साँक्षी राखि मन, वचन र कर्मले समाजिक सेवा गरौं” भन्ने उद्येश्यका साथ वि.स. २०५५ सालमा पोखराको पुरानो बसपार्कमा स्थापति यस सहारा क्लब पोखराले आयोजन गर्ने प्रतियोगिता पोखराको पर्यावाचीको रुपमा लिने गरिन्छ ।

प्रतियोगितालाई पहिलो संस्करण देखी नै मुख्य प्रायोजकको रुपमा  हिमश्री फुड्स प्रा. लि. को उत्पादन आहा तथा रारा तयारी चाउचाउले रहने छ । दोश्रो पुरस्कार प्रायोजक हिमा–अस एजुकेशन कनसेल्टेन्सी, वेष्ट अफ फाईभ प्रायोजक पृथ्वी राजमार्ग बस संञ्चालक कम्पनी प्रा.लि. र सर्वोत्कृष्ट खेलाडी पुरस्कार अप्रिला स्कुटरले गर्ने बताइएको छ ।

अफिसियल स्पोर्ट वयर पार्टनर एक्स टेप, अफिसियल बैंक लुम्बिनी विकास बैंक, फेयर प्ले पुरस्कार प्रायोजक रोयल इन्फिल्ड बुलेट बाईक, सर्वाधिक गोलकर्ता पुरस्कार सनराईज ड्राईभिङ्ग स्कुल प्रा. लि. र अफिसियल ड्रिङ्ग वाटर ईको पानी रहने छ । अफिसियल एयरलाईन्स बुद्ध एयर र अफिसियल हस्पिटल गण्डकी मेडिकल कलेज (जिएमसी), हुने छन् ।