4 years ago
February 11, 2020
काठमाडौं (हाम्रो खेलकुद)– त्रिभुवन आर्मी क्लबका कप्तान भरत खवासले अबको लक्ष्य सन्तोष साहखुलको कीर्तिमान तोड्नु रहेको बताएका छन् । ब्रिगेड ब्वाइज क्लब (बिबिसी) विरुद्ध ३–० को जितमा पहिलो गोल गर्दै सहिद स्मारक ए डिभिजन लिगमा ५० गोल पुरा गरेका भरतले आफ्नो लक्ष्य यसरी सुनाएका छन् । च्यासल युथ क्लबका कप्तान सन्तोषले यहि लिगका दौरान १ […]
काठमाडौं (हाम्रो खेलकुद)– त्रिभुवन आर्मी क्लबका कप्तान भरत खवासले अबको लक्ष्य सन्तोष साहखुलको कीर्तिमान तोड्नु रहेको बताएका छन् । ब्रिगेड ब्वाइज क्लब (बिबिसी) विरुद्ध ३–० को जितमा पहिलो गोल गर्दै सहिद स्मारक ए डिभिजन लिगमा ५० गोल पुरा गरेका भरतले आफ्नो लक्ष्य यसरी सुनाएका छन् ।
च्यासल युथ क्लबका कप्तान सन्तोषले यहि लिगका दौरान १ सय गोल पुरा गर्ने पहिलो खेलाडीको कीर्तिमान बनाएका थिए । ‘अब यहि अड्किदैन । सन्तोष दाईको कीर्तिमान तोड्न सजिलो छैन ,’ भरतको दृढता छ,’जति बेला सम्म खेल्छु त्यति बेला सम्म कीर्तिमान तोड्ने कोशिस गर्नेछु ।’
५० गोलको कोसेढुंगा उनले श्रीमती र छोरीलाई समर्पित गरे । ‘मेरो हरेक खेलमा उनीहरु आउँछन् । कारणबश आज आउन सकेनन्,’ उनले भने, ‘उनीहरु भएको भए अझै खुसी लाग्थ्यो । तर पनि मेरो यो खुसी दुवैलाई समर्पित गर्छु ।’ राष्ट्रिय टोलीका सदस्य समेत रहेका भरतले यो खुसीको क्षणमा आफ्ना समर्थक, क्लब, व्यवस्थापन, पूर्व क्लबलगायत सबैलाई हृदयबाट धन्यवाद दिए ।
घरेलु फुटबलमा आर्मी उनको चौथो क्लबको हो । यसअघि उनले एनआईबिएल फ्रेन्ड्स क्लब, संकटा र नेपाल पुलिस क्लबबाट पनि खेलेका थिए । मैले जति पनि क्लबबाट खेले सबैबाट गोल गरे । ‘त्यसैले यति बेला म सबैलाई सम्झन चाहन्छु,’ उनले थपे, ‘यहाँ सम्मको यात्रा सहज त थिएन । जहाँबाट खेल्दा पनि मलाई साथ रह्यो । सबैलाई आज यहिबाट धन्यवाद दिन चाहन्छु । मैले सुरुमा ५० गोल गर्छु भन्ने केहि सोचेको थिइन् । आज यो सफलता मिल्दा एकदम सुखी छु ।’
यहि सिजन च्यासल युथ क्लब र प्रभु बैंक जावलाखेल युथ क्लबविरुद्धको गोल आफैलाई उत्कृष्ट लागेको भरतले बताए । उनले यसपटक लिगको खेललाई फाइनल सरह भएको सुनाउँदै च्याम्पियन बन्न कोशिस गर्ने बताएका छन् ।
‘यो लिग जित्ने लक्ष्य बनाएका छौं । फाइनल जस्तै हुन पुगेको छौं । यहाँ सम्म आउन गाह्रो भयो,’ उनले भने, ‘हाम्रो टिमको व्यवस्थान, कोचिङ स्टाफलगायत सबको साथ छ । सबैको मनमा लिग जित्ने छ । आर्मीले अहिले सम्म जितेको छैन । इतिहास बनाउने मौका र चुनौति दुवै छ । हामीले सबैले शतप्रतिशत मैदान र बाहिर दिएका छौं । टोलीलाई पनि सबैलाई अहिले नै शुभकामना दिन चाहन्छु ।’
आर्मी क्लब पुनः शीर्षस्थानका उक्लेपछि यसपटकको लिगको छिनोफानो शनिबारको खेलबाट मात्र हुनेछ । शनिबार शीर्ष दुई टोली आर्मी र सानमिगेल मछिन्द्र क्लबबीच प्रतिस्पर्धा हुनेछ । त्यहि खेलले लिगको विजेता टुंगो लाग्नेछ । उपाधि जित्नका लागि त्यो खेलमा आर्मीले बराबरी गरे मात्र पनि पुग्ने छ भने मछिन्द्रले जित्नै पर्ने हुन्छ ।
१२ खेलको समाप्तीमा आर्मीको २९ अंक पुगेको छ भने दोस्रो स्थानमा झरेको मछिन्द्रको २८ अंक छ । १२ खेलमा समान ९ जित, २ बराबर र १ हार भएपनि मछिन्द्र १ अंकले पछाडि छ । गत वर्ष लिगमा अंकतालिकाको पुछारबाट दोस्रोमा रहेका कारण मछिन्द्रको यो वर्ष एक अंक घटाइएको थियो ।
अखिल नेपाल फुटबल संघ (एन्फा) को तेस्रो ब्याचका भरतले यसअघि नेपाल पुलिस क्लबबाट पनि लिग खेलेका थिए । १० वर्ष भन्दा लामो लिग अनुभवमा उनी ५० गोल पुरा गर्ने थोरै खेलाडी मध्ये परेका छन् । लिगमा ५० गोल गर्ने उनी सातौं खेलाडी बनेका छन् । यसअघि बसन्त थापा, रमेश बुढाथोकी, जिवेश पाण्डे, सुरेन्द्र तामाङ, गणेश लावती र सन्तोष साहुखलले ५० गोल पुरा गरेका थिए ।
सन्तोषले भने यहि लिगका दौरान लिगको एक सय गोल पुरा गर्ने पहिलो खेलाडीको कीर्तिमान राखेका थिए । भरतको कप्तानीमा आर्मीले लिगमा उच्च प्रदर्शन गरिरहेको छ । राष्ट्रिय टोलीको समेत कप्तानी गरिरहेका भरतले यो सिजनमा पनि एकरुपको प्रदर्शन गरिरहेका छन् ।
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]