नेपाली प्रशिक्षक बालगोपाल महर्जनले प्रशिक्षण दिंदै आएको क्लब ब्रदर्श युनियनले लिगको पहिलो खेलमा बराबरी खेलेको छ ।
बंगलादेश प्रिमिएर लिगको पहिलो खेलमा चटगाँउस्थित एमए अजिज रंगशालामा मंगलबार भएको खेलमा ब्रदर्श युनियनले फेनी सकर क्लबसंग १–१ को बराबरी खेलेको थियो ।
खेलको चौथो मिनेटमै सुनान्त त्रिपुराको गोलबाट अघि बढेको फेनीले हाइटीका स्ट्राइकर अगस्टियन वाल्सनले २७ औं मिनेटमा बराबरी गोल गरेपछि थप गोल गर्न सकेन। पहिलो खेलमा एक अंक जोडेको ब्रदर्शले शनिबार बिजेएमसीसँग खेल्नेछ ।
गत महिना बंगलादेश पुगेका महर्जनले ब्रदर्श युनियनलाई यसअघि फेडेरेसन कपको क्वार्टरफाइनलसम्म पुर्याएका थिए । बंगलादेशी क्लबलाई प्रशिक्षण दिने उनी पहिलो नेपाली प्रशिक्षक हुन् ।
