5 years ago
April 30, 2020
एजेन्सी – फ्रान्सको शीर्ष डिभिजन लिगको शीर्षस्थानमा रहेको पेरिस सेन्ट जर्मेन (पिएसजी) लिग रद्द भएको अवस्थामा पनि च्याम्पियन बन्ने भएको छ ।
केहि दिनअघि मात्र फ्रान्सका प्रधानमन्त्रीले राष्ट्रिय सभामा बोल्दै सेप्टेम्बरसम्म कुनै किसिमका खेल गतिविधि नहुने घोषणा गरेका थिए । उनले नाम तोकेर नै फुटबलको सिजन २०१९-२० अब सम्पन्न गर्न नसकिने बताएका थिए । यस्तो अवस्थामा लिग उपाधि नजिक पुगेको पिएसजीको भविष्य के हुने भन्ने अन्यौल रहेको थियो ।
फ्रान्सको प्रतिष्ठित संचारमध्यम ले एकिपका अनुसार फ्रान्सको फुटबल संघले पिएसजीलाई च्याम्पियन घोषित गर्ने भएको छ । पिएसजी लिगमा दोस्रो स्थानको मार्सेभन्दा १२ अंक अगाडी रहेको थियो । लिगमा अझै ११ खेल खेल्न बाँकी रहेको छ । यद्यपि दोस्रो श्रेणी लिगबाट बढुवा हुने र माथिल्लो लिगबाट घटुवा हुने टोलीबारे भने अझै निर्णय भएको छैन ।
यस उपाधिसँगै पिएसजीले लगातार तेस्रो पटक लिग उपाधि जितेको छ । यससँगै पिएसजी अर्को सिजन च्याम्पियन्स लिगको लागि छनोट हुने देखिएको छ । यसका लागि भने युरोपेली फुटबलको सर्वोच्च संस्था यूईएफएले लिग पूरा नभएपनि संघको प्रस्ताव मान्नुपर्ने हुन्छ । यूईएफएले यसअघि नै मे २५ सम्ममा लिग सुचारु गर्ने अवस्था बनाउन आग्रह गरेको थियो ।
December 14, 2024
हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
