ए कोचिङ सर्टिफिकेट कोर्स उर्तिणलाई प्रमाण पत्र

काठमाडौं – नेपालमा पहिलो पटक आयोजना भएको एएफसी ए कोचिङ सर्टिफिकेट कोर्समा उर्तिण हुन सफल ८ नेपाली प्रशिक्षकलाई अखिल नेपाल फुटबल संघ (एन्फा) ले बिहीबार प्रमाणपत्र वितरण गरेको छ ।

दुई चरणमा आयोजित कोर्समा उर्तिण हुने उपेन्द्रमान सिंह, हरि खड्का, कुमार थापा, नवीन न्यौपाने, छिरिङ लोप्साङ गुरुङ,राजेन्द्र तामाङ र रविन्द्र सिलाकारलाई एन्फाका कार्यवहाक अध्यक्ष नरेन्द्र श्रेष्ठले प्रमाण पत्र हस्तान्तरण गरे । बंगलादेशको ब्रदर्श युनियनलाई प्रशिक्षण दिइरहेका अर्का प्रशिक्षक बालगोपाल महर्जन भने कार्यक्रममा उपस्थित थिएनन् ।
कोर्स पहिलो चरण मार्च २५ देखि अप्रिल ६ र दोस्रो चरण चरण मे ९ देखि २१ सम्म राजधानीमा सम्पन्न भएको थियो । कोर्समा २४ प्रशिक्षकले भाग लिएका थिए ।