अन्तर्राष्ट्रिय च्याम्पियन कप अन्तर्गत्को वेम्ब्लीमा भएको खेलमा ईंग्लिश क्लब लिभरपुलले बार्सिलोना लाई ४-० ले हराएको छ । झन्डै ९०,००० समर्थकको बिचमा भएको खेलमा लिभरपुलले बार्सिलोनालाई हराउदै युरोप र अमेरिकाको अंक तालिकामा दोस्रो स्थानमा उक्लेको छ भने बार्सिलोना चौथो स्थानमा झर्यो ।
मेस्सि, स्वारेज , पिके , मास्कारेनो लगायत सम्पुर्ण पहिलो रोजाइको खेलाडीले भरिएको बार्सिलोनालाई लिभरपुलको नयाँ साइनिङको राम्रो प्रदर्शनको मद्धतले सहजै हराउन सफल भयो ।
लिभरपुलले मानेको गोलमा अग्रता लियो भने, मास्कारेनोको आत्मघाती गोलले अग्रता दोब्बर गर्यो भने ग्रुजिक र ओरिगी को १-१ गोल ले लिभरपुल सहज जित दर्ता गर्न सफल भयो ।
आफ्नो योग्यताअनुरुप प्रदर्शन गर्न नसकेको बार्सिलोनाकालागि कप्तान मेस्सी को प्रहार पोस्टमा लाग्दै गोल हुन सकेको थिएन ।
