default_image

4 years ago

May 31, 2020

बार्सिलोनाका पूर्व अध्यक्ष भन्छन्, ‘रोनाल्डोभन्दा नेयमार उत्कृष्ट’

एजेन्सी – विश्व फुटबलका अहिलेका स्टारमा लियोन मेस्सी र क्रिस्टियानो रोनाल्डो मध्येको उत्कृष्ट भन्ने चर्चा चलिरहन्छ । सामन्यतया यो छलफलमा नेयमार रोनाल्डो र मेस्सीपछि तेस्रो नम्बरमा आउँछन् । तर बार्सिलोनाका पूर्व अध्यक्ष सान्ड्रो रोसेलका अनुसार नेयमार मेस्सीपछि विश्व फुटबलका दोस्रा उत्कृष्ट खेलाडी हुन् । रोसेलको नजरमा मेस्सी भन्दा पछि रहेका नेयमार रोनाल्डो भन्दा अगाडि छन् […]

68 views

0 Bookmark

एजेन्सी – विश्व फुटबलका अहिलेका स्टारमा लियोन मेस्सी र क्रिस्टियानो रोनाल्डो मध्येको उत्कृष्ट भन्ने चर्चा चलिरहन्छ । सामन्यतया यो छलफलमा नेयमार रोनाल्डो र मेस्सीपछि तेस्रो नम्बरमा आउँछन् । तर बार्सिलोनाका पूर्व अध्यक्ष सान्ड्रो रोसेलका अनुसार नेयमार मेस्सीपछि विश्व फुटबलका दोस्रा उत्कृष्ट खेलाडी हुन् ।

रोसेलको नजरमा मेस्सी भन्दा पछि रहेका नेयमार रोनाल्डो भन्दा अगाडि छन् । उनले नै नेयमारलाई सन् २०१३ मा बार्सिलोनामा भित्राएका थिए । नोउ क्याम्पका पूर्व प्रमुखले अहिले पनि आफु त्यहि जिम्मेवारीमा रहेको भए पेरिस सेन्ट जर्मेन (पिएसजी) बाट नेयमारलाई पुनः सम्झौता गराउने प्रयासलाई उच्च प्राथमिकतामा राख्ने बताए । रोसेलले २०१० देखि २०१४ सम्म बार्सिलोनाको नेतृत्व सम्हालेका थिए ।

‘म अहिले पनि बार्साको अध्यक्ष हुन्थे भने म फेरि नेयमारसँग सम्झौताको प्रयास गर्ने थिए । उनी विश्वका मेस्सी पछिका दोस्रो उत्कृष्ट खेलाडी हुन् । उनी क्लबका लागि सहि खेलाडी हुन्’, उनले भने, ‘म अनुभवका आधारमा भन्छु । उनीसँग म दुई वटा सम्झौता गर्ने थिए । एउटा खेलकुद र अर्को अन्य व्यवहारका लागि ।’

२८ वर्षे ब्राजिलियन स्टारले मेस्सीसँग ४ वर्ष बार्सिलोनामा बिताएका थिए । सन् २०१७ मा उनी विश्व कीर्तिमान रकम १ सय ९८ मिलियन युरोमा पिएसजी गएका थिए । ला लिगामा रहँदा नेयमार, मेस्सी र लुइस स्वारेजको साझेदारीले विश्व फुटबलमा तहल्का मच्चाएको थियो । जसको फल स्वरुप बार्सिलोनाले २०१५ मा च्याम्पियन्स लिग जितेको थियो ।

ला लिगाको साविक विजेता समेत रहेको बार्सिलोनाले अर्को सिजनका लागि नेयमारलाई क्लबमा भित्राउने प्रयास थाल्ने चर्चा लामो समयदेखि चल्दै आएको छ । यसका लागि पछिल्लो सिजन क्लबले प्रयास गरेपनि फ्रान्सेली क्लबले उनलाई छोड्न मानेको थिएन । नेयमार आफू पनि बार्सिलोना जान इच्छुक रहेको बुझिएको छ ।

रोसेलले नेयमारलाई विश्व फुटबलको दोस्रो उत्कृष्ट खेलाडी भन्दा त्यो पक्कै पनि रोनाल्डोका समर्थकलाई भने चित्त बुझ्ने छैन । रोनाल्डो विश्व फुटबलका सर्वकालिन महान खेलाडी मध्ये एक हुन् भन्ने चर्चा वर्षौदेखि चल्दै आइरहेको छ । फेब्रुअरीमा ३५ वर्ष लागेको युभेन्ट्सका सुपरस्टार रोनाल्डोले यो सिजन रोकिनु अघि क्लब र पोर्चुगलका लागि ३६ गोल गरेका छन् । जुन गोल मेस्सीको भन्दा १२ बढी र नेयमारको भन्दा दोब्बर बढी हो ।

त्यति मात्र होइन उनले बालोन डी ओर ५ पटक जितेका छन् । रोनाल्डो भन्दा बढी मेस्सीले मात्र उक्त उपाधि बढी जितेका छन् । मेस्सीले गतवर्ष मात्र छैटौं पटक उपाधि जितेका थिए । नेयमारले अहिले सम्म यी दुई सुपर स्टारलाई मतमा पछि पार्न सकेका छैनन् । व्यक्तिगत अवार्डको प्रतिस्पर्धामा सन् २०१५ र २०१७ मा तेस्रो स्थानमा रहनु उनको उच्च नतिजा हो ।

नेयमारले २१ वर्षको उमेरमा हुँदाको तथ्यांक हेर्दा मेस्सी र रोनाल्डोलाई पछि पारेका थिए । उनले त्यति बेला २ सय २७ खेलमा १ सय ४० गोल गरेका थिए । त्यसको तुलनामा मेस्सीले ५१ र रोनाल्डोले ३६ गोल मात्र गरेका थिए । तर जब उनी ब्राजिल छोडेर युरोप आए, उनले त्यसै प्रदर्शनलाई निरन्तरता दिन सकेका छैनन् ।

युरोपका शीर्ष ५ लिगको तथ्यांकमा नेयमार निकै पछि छन् । नेयमार सान्तोष र रोनाल्डो लिस्बनको गोल छाड्ने हो भने नेयमार निकै पछि छन् । मेस्सीले यसक्रममा ४ सय ३८ गोल गर्दा रोनाल्डो १ गोलले मात्र पछाडि ४ सय ३७ गोलमा छन् । नेयमारले भने जम्मा १ सय १५ गोल गरेका छन् ।

प्रति गोल मिनेटका औसत हेर्दा पनि नेयमार पछाडि छन् । औसतमा नेयमारले हरेक १ सय २७ मिनेटमा गोल गर्छन भने रोनाल्डो १ सय १ र मेस्सी ८७ मिनेटमा १ गोल गर्छन् । यसले पनि नेयमार तथ्यांकमा हेर्दा रोनाल्डो र मेस्सीभन्दा पछाडी रहेको प्रष्ट पार्छ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.