default_image

4 years ago

May 31, 2020

हालान्डले पाडेरवर्नसँगको खेल गुमाउने

एजेन्सी – जर्मन बुन्डेस लिगामा आज (आइतबार) दुई खेल हुदैछ । उपाधिको झिनो आशा रहेको बोरुसिया डर्टमुन्ड र पाडेरवर्न तथा बोरुसिया मोन्चेनग्लाडबाच र युनियन बर्लिनबीच प्रतिस्पर्धा हुदैछ ।  डर्टमुन्ड र पाडेरवर्नबीचको खेल नेपाली समयअनुसार राति ९ः४५ बजे तथा मोन्चेनग्लाडबाक र युनियन बर्लिनबीचको खेल साँझ ७ः१५ बजेपछि हुनेछ ।  उपाधिको सम्भावना जीवितै राख्न डर्टमुन्ड घरेलु टोलीलाई […]

41 views

0 Bookmark

एजेन्सी – जर्मन बुन्डेस लिगामा आज (आइतबार) दुई खेल हुदैछ । उपाधिको झिनो आशा रहेको बोरुसिया डर्टमुन्ड र पाडेरवर्न तथा बोरुसिया मोन्चेनग्लाडबाच र युनियन बर्लिनबीच प्रतिस्पर्धा हुदैछ । 

डर्टमुन्ड र पाडेरवर्नबीचको खेल नेपाली समयअनुसार राति ९ः४५ बजे तथा मोन्चेनग्लाडबाक र युनियन बर्लिनबीचको खेल साँझ ७ः१५ बजेपछि हुनेछ ।  उपाधिको सम्भावना जीवितै राख्न डर्टमुन्ड घरेलु टोलीलाई पराजित गर्दै शीर्षस्थानको बायर्न म्युनिखसँगको अंक दुरी छोट्याउने दाउमा हुनेछ ।

घरेलु टोलीविरुद्ध मैदान उत्रदा डर्टमुन्डसँग आफ्ना स्टार खेलाडी एर्लिङ ब्राउट हालान्ड तथा मिडफिल्डरद्वय मामुद दाहुद र मार्काे रिउस हुनेछैनन् । हालान्ड र मामुदले बायर्नम्युनिखविरुद्धको खेलमा चोट बोक्दा रिउस पुनरागमनको प्रयासमा छन् । दाहुदले अब यस सिजन खेल्न नसक्ने प्रशिक्षक लुसियन फाभ्रले बताएका छन् । हालान्ड नहुँदा डर्टमुन्डको अग्रपङ्ति थोर्गन हजार्डले सम्हाल्नेछन् । उनलाई जाडोन सान्चो र जुलियन ब्रान्डले साथ दिनेछन् ।

पाडेरवर्नलाई पराजित गर्न सकेमा डर्टमुन्डले बायर्नसँगको अंक दुरी ७ मा झार्नेछ । बराबरी या हारले भने डर्टमुन्डको उपाधि यात्रा लगभग समाप्त हुनेछ । उपाधि होडलाई कायम राख्न पनि डर्टमुन्डलाई पाडेरवर्नविरुद्ध जित निकाल्नु आवश्यक छ ।

बायर्नको २९ खेलमा ६७ अंक रहेको छ । डर्टमुन्डको ५७ अंक छ । पाडेरवर्नन १९ अंक जोडेर पुछारमा रहेको छ । डर्टमुन्ड गत मंगलबार घरेलु मैदानमा बायर्नसँग १–० ले पराजित भएपछि उपाधि यात्रामा धक्का लागेको थियो ।

यि दुई टोलीले गत नोभेम्बरमा भएको खेलमा ३–३ को गोलको बराबरी खेलेको थिए । घरेलु मैदानमा डर्टमुन्ड पहिलो हाफमा ३–० ले पछि परेको स्थिति उल्ट्याएर ३–३ गोलको बराबरीको नतिजा निकाल्दै सम्भावित हार टारेको थियो । पछिल्लो ५ खेलमा डर्टमुन्डले ३ खेलमा जित र २ बराबरीको नतिजा निकाल्दा पाडेरवर्नले जित निकाल्न सकेको छैन । डर्टमुन्ड पाडेरवर्नविरुद्ध अपराजित रहने दाउमा रहँदा पाडेरवर्न डर्टमन्डलाई हराउने लक्ष्यमा मैदानमा उत्रनेछ ।

यस्तै अर्को खेलमा बोरुसिया मोन्चेनग्लाडबाकले युनियन बर्लिनलाई घरेलु मैदानमा आतिथ्यता गर्दै छ । मोन्चेनग्लाडबाक बर्लिनलाई पराजित गर्दै बुन्डेस लिगाको तेस्रो स्थानमा उक्लने दाउमा हुनेछ । मोन्चेनग्लाडबाक २८ खेलबाट ५३ अंक जोडेर पाँचौ स्थानमा छ । ५६ अंक जोडेर बायर लेभरकुसन तेस्रो तथा ५५ अंक जोडेर आरबी लाइप्जिग चौथो स्थानमा छ ।

मोन्चेनग्लाडबाकले मर्लिनमाथि जित निकाल्न सकेको अवस्थामा लेभरकुसनलाई गोल अन्तरमा पछि पार्दै तेस्रो स्थानमा उक्लनेछ । यता, युनियन बर्लिन मोन्चेनग्लाडबाकलाई स्तब्ध पार्दै अंक तालिका सुधार गर्ने लक्ष्यमा हुनेछ । युनियन बर्लिन ३१ अंक जोडेर १३औं स्थानमा छ ।

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

March 27, 2024

बेलिङहमको गोलमा इंग्ल्यान्ड हारबाट जोगियो

एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]

Success

Thank you for your time.