एजेन्सी – इडुरार्डो कामाभिगां आउने सिजन रियल म्याड्रिड जाने चर्चा चलिरहेको छ । तर, यो बीचमा रिनेसले भने आफ्ना मिडफिल्डर तत्काल अर्को क्लब नजानेमा विश्वस्त छ । १७ वर्षे कामाभिंगाको रिनेससँग सन् २०२२ सम्मको सम्झौता छ ।

कम्तीमा अर्को एक सिजन उनी क्लबमै रहने अनुमान गरेको छ । कोभिड १९ का कारण स्थगित भएको लिग वान त्यहि रद्द भएको थियो । लिग वान रद्द भएपनि रेनसले अर्को सिजन च्याम्पियन्स लिग खेल्न पाउनेछ । त्यस कारण पनि टोलीले कामाभिगां अर्के सिजनका लागि क्लबमै रहने अपेक्षा गरेको छ ।

‘कामाभिगां यहि रहेर अझै प्रगती गरुन् भन्ने हामी चाहन्छौं । सबैका लागि फाइदा हुने भएकाले अर्को सिजन पनि उनी यहिँ रहनेछन् भन्नेमा हामीलाई विश्वास छ’, रिनेसका अध्यक्ष निकोलस ओल्भेकले भने, ‘हाम्रो प्राथमिकता भनेको उनलाई टोलीमा राख्नु हो । यहि टोलीमा रहेर उनले आफ्नो क्षमता प्रदर्शन गरिसकेका छन् ।’

अध्यक्ष ओल्भेकले सरुवा बजारमा चनाखो हुने पर्नेमा जोड दिए । उनले भने, ‘टोलीमा अझै सुधार ल्याउनका सम्भव भएसम्म बलियो बनाउनका लागि सरुवा बजारमा हामीले चनाखो रहन आवश्यक छ। आउने सिजनका लागि कामाभिगां रियलका प्राथमिकतमा रहेको खेलाडी मध्येका हुन् ।’

उनीसँगै रियलले बोरुसिया डर्टमन्डका इर्लिङ हालान्डलाई भित्राउन चाहिरहेको छ । तर, कोरोना भाइरसका कारण उत्पन्न्न परिस्थितिले क्लबको आर्थिक अवस्थामा पारेको असरले उनीहरुलाई ल्याउने योजना रोकिन सक्ने सम्भावना छ ।