default_image

4 years ago

June 1, 2020

अध्यक्ष थापाको कारवाही अनुमोदन

काठमाडौं (हाम्रो खेलकुद) – अखिल नेपाल फुटबल संघ (एन्फा) ले ललितपुर जिल्ला फुटबल संघका अध्यक्ष पुरुषोत्तम थापामाथि गरिएको कारबाहीको निर्णयलाई अनुमोदन गरेको छ । सोमबार झन्डै ८ घन्टासम्म चलेको एन्फाको कार्यसमितिको अनलाइन बोर्ड बैठकले संस्था र पदाधिकारीमाथि अपशब्द बोलेको आरोप लगाउँदै जिल्ला अध्यक्ष थापामाथि कारबाही गर्ने सचिवालयको निर्णयलाई अनुमोदन गर्दै अनुशासन समितिमा पठाउने एन्फाले जनाएको […]

27 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) ले ललितपुर जिल्ला फुटबल संघका अध्यक्ष पुरुषोत्तम थापामाथि गरिएको कारबाहीको निर्णयलाई अनुमोदन गरेको छ ।

सोमबार झन्डै ८ घन्टासम्म चलेको एन्फाको कार्यसमितिको अनलाइन बोर्ड बैठकले संस्था र पदाधिकारीमाथि अपशब्द बोलेको आरोप लगाउँदै जिल्ला अध्यक्ष थापामाथि कारबाही गर्ने सचिवालयको निर्णयलाई अनुमोदन गर्दै अनुशासन समितिमा पठाउने एन्फाले जनाएको छ ।

‘च्याट ग्रुपका विषयमा स्पष्टिकरण सोध्दा उल्टै १५–२० वटा प्रतिप्रश्न गरेर पठाएको छ । यस्तो अवस्थामा संस्था निरिह भएर बस्न मिल्दैन । सोही कारण सम्पुर्ण कार्यसमितिसंग छलफल गरेर निलम्बनको कारबाही गरिएको हो,’ बैठकको निर्णयमा उल्लेख छ । थापाको स्पष्टिकरण पत्र चित्त बुझ्दो नभएको र यस्तो अपशब्दमा संस्था निरिह भएर बस्न नमिल्ने र स्पष्टिकरण सोध्दा उल्टै प्रतिप्रश्न गर्दै जवाफ पठाएको भन्दै कारबाही गरिएको बैठकले निर्णय गरेको छ ।

एन्फाका केन्द्रिय सदस्य दावा लामाले ललितपुर अध्यक्ष थापाको कारवाही विधिसम्मत नरहेपनि पेलेरै गएर अनुमोदन गरेको बताएको छ । ‘एन्फाले कारवाहीको विषयमा कसैलाई लाखा कसैलाई पाखा गर्न हुदैन । तर, एन्फाले त्यस्तै कार्य गरेको छ । बैठकमा स्वयं अध्यक्ष र सदस्य रुपेश अधिकारीको विषय उठेको थियो,’ सदस्य लामाले भने, ‘बैठकमा अध्यक्ष शेर्पालाई राज्यबाट निर्णय नआएसम्म राजीनामाको माग गरेका थियौं । तर, यो विषयमा कुनै निर्णय नै हुन सकेन ।’

यस्तै एन्फाले बैठकले २०७७/७८ को वार्षिक बजेट ७० करोड ४१ लाख १९ हजार ९२५ रुपैया विनियोजन गरिएको र उक्त बजेट संघको आगमी साधरण सभामा अनुमोदनको लागि पेश गरिने जनाएको छ ।

कोभिड–१९ को सम्वन्धमा फिफाबाट प्राप्त १ लाख अमेरिकी डलर बराबरको राहत ४८ जिल्ला फुटबल संघ, ४ सदस्य समितिहरु, १४ ए डिभिजन क्लब, १२ बी डिभिजन क्लब, १४ सी डिभिजन क्लब, एनफाबाट स्वीकृत मोफसलमा सञ्चालन गर्ने फुटबल प्रतियोगिताको आयोजक क्लबहरुलाई एन्फामा आबद्ध सबै तहका प्रशिक्षक, कर्मचारी, ए डिभिजन लिग सञ्चालन गर्ने रेफ्री, रेफ्री एसेसरहरु ३० जना, नेपाली राष्ट्रिय पुरुष तथा महिला फुटबल टिमका ३५–३५ जना खेलाडीलाई जनही १५–१५ हजार रुपैया खुराक खर्च दिने निर्णय गरेको छ ।यस्तै बैठकले १५ भदौमा एन्फाको साधारणसभा बस्ने निर्णय गरेको छ ।

वैशाख २२ गते एन्फा डेको दिन वरिष्ठ उपाध्यक्ष पंकज विक्रम नेम्वाङले एन्फा डेको अवसरका ए, बी र सी डिभिजनको भाइवस समूहमा ह्याप्पी एन्फा डे भनेर शुभकामना सन्देश दिएका थिए । त्यसपछि बी डिभिजन क्लब झम्सिखेल युत क्लबका प्रशिक्षक समेत रहेका थापाले ‘आज एन्फा डे होइन चोरहरुको श्रीगणेश डे’ हो भनेर लेखेका थिए ।

एन्फाले २५ बैशाखमा उनलाई दुई दिनभित्र एन्फाले लिखित स्पष्टिकरण दिन पत्र काटिएको थियो । थापाले २६ बैशाखमा लिखित स्पष्टिकरण दिएपछि एन्फाले थापाको जवाफ चित्तबुझ्दो नभएको भन्दै ५ जेठमा अर्काे साधरणसभा सम्मको लागि उनलाई ललितपुर जिल्ला फुटबल संघको अध्यक्षबाट निलम्वन गरेको थियो । थापाले आफूमाथि गरिएको कारबाही अवैधानिक रहेको भन्दै राष्ट्रिय खेलकुद परिषद् (राखेप)सहित फिफा, एएफसी लगायतका निकायमा उजुरी दिएका थिए । उनले आफुलाई कारबाही गर्ने वैधानिक अधिकार सचिवालयलाई नभएको भन्दै अवैधानिक कारवाहीमा हस्ताक्षर गर्ने महासचिवसमेतलाई कारबाहीको माग गरेका थिए ।

सोमबार मात्रै अखिल नेपाल फुटबल संघ (एन्फा) मा आबद्ध ४ जिल्ला फुटबल संघ (काठमाडौं, ललितपुर, भक्तपुर र धादिङ) ले संघका अध्यक्ष कर्माछिरिङ शेर्पाले अनियमिता र त्रुटिपूर्ण काम गर्दै आएकाले उनलाई कारवाही र फुटबलको संरक्षण गर्न प्रधानमन्त्री केपी शर्मा ओलीलाई आग्रह गरेका थिए ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.