default_image

4 years ago

June 18, 2020

फुटबल र क्रिकेट दुवै खेलेका ५ स्टार खेलाडी

132 views

0 Bookmark

एजेन्सी — फुटबल र क्रिकेट विश्वका सर्वाधिक लोकप्रिय खेल हुन् । क्रिकेट भन्दा फुटबल अझ बढी लोकप्रिय मानिन्छ । फुटबल र क्रिकेट खेल्ने खेलाडीले अन्य खेलको तुलनामा धेरै नाम र दाम पाउने गर्दछन् ।

कुनै पनि खेलाडीमा एक खेलको मात्र क्षमता हुन्छ भन्ने हुँदैन । एक भन्दा बढी खेलको क्षमता र रुची भएपनि एकै पटक अघि बढाउन कठिन पर्छ । त्यसैले एक खेल रोज्नुपर्ने हुन्छ । विश्व खेलकुदमा थुप्रै स्टार खेलाडी छन् । जो एक भन्दा बढी खेल खेलेका छन् र सफल पनि भएका छन् । त्यस्तै क्रिकेटका पाँच स्टार खेलाडी जो फुटबल पनि खेलेका थिए ।

५. सर इयान बोथम (इंग्ल्यान्ड)

सर इयान बोथमलाई इंग्ल्यान्डका सर्वश्रेष्ठ क्रिकेटरको रुपमा लिइन्छ । सन् १९८० को दशकमा इंग्ल्यान्डका क्रिकेट समर्थकमा बोथम सर्वाधिक लोकप्रिय खेलाडी थिए । उनले व्यावसायिक फुटबल पनि खेलेका थिए । सन् १९८० मार्चमा स्कनथोर्प युनाइटेडबाट ब्यवसायिक फुटबल खेलेका थिए । उनले सेन्टरब्याकको भुमिका निर्वाह गर्थे ।

करिअर अगाडी बढ्द्दै जाँदा उनले ठूलो क्लबमा जानुभन्दा क्रिकेटलाई रोजे । उनले सन् १९७९ देखि १९८५ सम्म येओविल टाउन र स्कनथोर्पबाट व्यावसायिक फुटबल खेलेका थिए । नर्थन फुटबल लिग १९८४—८५ को संस्करण पनि खेलेका थिए ।

सन् १९७६ देखि १९९२ सम्म इंग्ल्यान्डको क्रिकेट टोलीबाट खेलेका बोथमले १ सय २ टेष्ट र १ सय १६ ओडिआई खेलेका छन् । विश्वका सफल अलराउन्डर मध्यका एक बोथमले टेष्टमा १४ शतक, २२ अर्ध शतक सहित ५ हजार २ सय रन बनाउँदा बलिङतर्फ ३ सय ८३ विकेट लिएका छन् ।

४. सि.बी फ्राई ( इंग्ल्यान्ड)

चार्ल्स बुर्गेस फ्राई विश्व खेलकुदमा अहिले सम्मकै सबैभन्दा बढी बहुमुखी क्षमता भएका खेलाडी मानिन्छन् । उनले फुटबल र क्रिकेटमा मात्र होइन एथ्लेटिक्स, रग्बी लगाएतका खेलमा पनि उत्कृष्ट छाप छोड्न सफल भएका थिए । उनले विश्व लङ जम्पमा ७.१७६ मिटर जम्प गर्दै विश्व कीर्तिमान कायम गरेका थिए । उनले २६ टेष्ट र १ अन्तर्राष्ट्रिय फुटबल खेलेका छन् ।

फ्राईको फुटबलमा उत्कृष्ट क्षण १९०१—०२ को संस्करण एफए कप फाइनलमा साउथह्याप्टनबाट सेफिल्ड युनाइटेडविरुद्ध थियो । उनले क्रिकेटमा २६ टेष्ट खेलमा २ शतक र ७ अर्ध शतक सहित १ हजार २ सय २३ रन बनाएका छन् । खेलकुदपछि जीवन पछि उनी राजनितीमा पनि त्यतिनै सफल भए ।

३. एलिस पेरी (अष्ट्रेलिया)

अष्ट्रेलिया क्रिकेट टोलीकी स्टार अलराउन्डर एलिस पेरी फिफा र आईसिसी विश्वकप खेल्ने एक्ली महिला खेलाडी हुन् । पेरीले सन् २०११ मा फिफा महिला विश्वकप खेलेकी थिइन् । पेरीले सन् २००७ मा १६ वर्ष ९ महिनाको समयमा हङकङविरुद्ध पहिलो अन्तर्राष्ट्रिय फुटबल खेलेकी थिइन् । उनले २०११ को विश्वकपमा स्वीडेनविरुद्ध उत्कृष्ट गोल गरेकी थिइन् ।

पेरीले क्रिकेटमा सन् २००७ मा न्युजिल्यान्डविरुद्ध डेब्यु गरेकी थिइन् । उनले ८ टेष्ट, १ सय १२ ओडिआई र १ सय २० टि२० आई खेली सकेकी छिन् । पेरी वर्तमान समयमा विश्वकै महिला क्रिकेटकी उत्कृष्ट अलराउन्डर मानिन्छिन् ।

२. डेनिस कम्प्टन (इंग्ल्यान्ड)

डेनिस कम्प्टन इंग्ल्यान्डका एक सफल ब्याट्सम्यान हुन् । उनले फुटबल र क्रिकेट दुबैमा राम्रो प्रर्दशन गरे । उनले ब्यवसायिक फुटबल आर्सनलबाट खेलेका थिए । आर्सनल इंग्ल्यान्डको चर्चित र ठुलो क्लब हो । उनले एफए कप १९५० को उपाधि जितेका थिए । तर उनले अन्तर्राष्ट्रिय फुटबल भने खेलेनन् । उक्त समयमा दोस्रो विश्व युद्धको कारण औपचारिक अन्तर्राष्ट्रिय फुटबल खेल भएका थिएनन् ।

कम्पटनले मात्र ७८ टेष्टमा १७ शतक र २८ अर्ध शतक सहित ५ हजार ८ सय ७ रन बनाएका छन् । २५ विकेट पनि आफ्नो नाममा लेखाएका छन् । उनले प्रथम श्रेणीमा १ सय २३ शतक प्रहार गरेका छन् ।

१. सर भिभियन रिचर्ड्स (वेस्ट इन्डिज)

सर भिभियन रिचर्ड्स विश्व विश्व खेलकुद इतिहासमा क्रिकेट र फुटबल दुबैको विश्वकप खेल्ने एक्लो पुरुष खेलाडी हुन् । रिचर्ड्स वेस्ट इन्डिज क्रिकेटका एक सफल ब्याट्सम्यान हुन् । रिचर्ड्सले एन्टिगुआ एण्ड बार्बुडाबाट सन् १९७४ मा विश्वकप फुटबल खेलेका थिए । रिचर्ड्सले वेस्ट इन्डिज क्रिकेट टोलीबाट १९७४ देखि १९९१ सम्म खेले ।

आक्रामक ब्याटिङका चर्चित रिचर्ड्सनले १ सय २१ टेष्ट र १ सय ८७ ओडिआई खेल खेलेका छन् । टेष्टमा उनले २४ शतक, ४५ अर्ध शतक सहित कुल ८ हजार ५ सय ४० रन बनाएका छन् । त्यस्तै ओडिआईमा ११ शतक र ४५ अर्ध शतक सहित ६ हजार ७ सय २१ रन बनाएका छन् । टेष्टमा ३२ र ओडिआईमा १ सय १८ विकेट लिएका छन् । रिचर्ड्सले मध्यक्रममा खेल्ने ब्याट्सम्यानले पनि आक्रामक ब्याटिङ गर्दै क्रान्तिकारी परिवर्तन ल्याएका थिए ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.