4 years ago
June 20, 2020
एजेन्सी – फरवार्ड लेवान्डोस्कीले जर्मनीको शीर्ष डिभिजन लिग, जर्मन बुन्डेसलिगामा नयाँ कीर्तिमान कायम गर्दा लिग च्याम्पियन बनिसकेको बायर्नले शनिबार घरेलु मैदान आलियान्ज रंगशालामा फ्राइबर्गलाई ३-१ ले पराजित गरेको छ ।
खेलको १५ औं मिनेटमा बायर्नले जोशुआ किमिचको गोलमा अग्रता लिएको थियो । लेवान्डोस्कीको पासमा किमिचले पेनाल्टी क्षेत्रको बीच भागबाट गरेको प्रहार गोलमा परिणत भएको थियो । २४ औं मिनेटमा बायर्नले अग्रता दोब्बर पार्यो । लिओन गोरेट्जकाको प्रहारलाई गोलरक्षक एलेक्जेन्डर सोलोले बचाएपनि रिबाउन्डमा लेवान्डोस्कीले हेडरमार्फत गोल गरे ।
३३ औं मिनेटमा फ्राइबर्गले गोल गर्दै खेलमा फर्कने संकेत देखायो । लुकास होलारले पेनाल्टी क्षेत्र भित्रबाट गरेको प्रहार गोलमा परिणत भएको थियो । तर त्यसको ४ मिनेट नबित्दै बायर्नले २ गोलको अग्रता पुन: स्थापित गर्यो । लेवान्डोस्कीले लुकास हर्नान्डेजको पासलाई सदुपयोग गर्दै खेलमा व्यक्तिगत दोस्रो गोल गरेका थिए ।
दोस्रो हाफमा दुवै टोलीबाट थप गोल हुन नसक्दा बायर्नले सहज जित आत्मसात गर्यो । यसक्रममा लेवान्डोस्कीले जारी सिजन आफ्नो गोलसंख्या ३३ गोल पुर्याए । यससँगै उनी जर्मन फुटबलको शीर्ष श्रेणी लिगको एकै सिजनमा सर्वाधिक गोल गर्ने विदेशी खेलाडी पनि बने । उनी लिगमा सर्वाधिक गोलकर्ताको सुचीमा शीर्षस्थानमा रहेका छन् । समग्रमा उनले यो सिजन ४१ खेलमा ४७ गोल गरेका छन् । उनलाई आरबी लाइप्जिगका टिमो वेर्नर (२६) ले पछ्याइरहेका छन् ।
जितसँगै बायर्नले ३३ खेलबाट ७३ अंक पुर्याएको छ । पराजित फ्रेइवर्ग ४५ अंक जोडेर आठौं स्थनमा रहेको छ ।
अन्य नतिजाहरु
एफसी कोल्नविरुद्ध आइनट्राख्ट फ्रान्कफर्ट (१–१)
फोर्टुना डुसेलडर्फविरुद्ध अग्सवर्ग (१–१)
हेर्था बर्लिनविरुद्ध बायर लिभरकुसन (२–०)
होफेनहाइनविरुद्ध युनियन बर्लिन (४–०)
मेइन्जविरुद्ध वेर्डर ब्रेमेन (३–१)
पाडेरवर्नविरुद्ध बोरुसिया मोन्चेनग्लाडवाक (१–३)
आरबी लाइप्जिगविरुद्ध बोरुसिया डर्टमुन्ड (०–२)
साल्केविरुद्ध वल्फ्सवर्ग (१–४)
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]
May 18, 2024
एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]
May 17, 2024
एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]