4 years ago
June 20, 2020
एजेन्सी – युवा सनसनी एर्लिङ ब्राउट हालान्डको दुई गोल सहयोगमा बोरुसिया डर्टमुन्डले जर्मन बुन्डेसलिगामा आरबी लाइप्जिगलाई पराजित गरेको छ । डर्टमुन्डले घरेलु टोलीमाथि २–० को सहज जित हात पारेको हो ।
रेडबुल एरिना लाइप्जिगमा शनिबार राति भएको प्रतिस्पर्धात्मक खेलको ३०औं मिनेटमा हालान्डको गोलबाट डर्टमुन्डले १–० को अग्रता बनायो । हालान्डले जियोभानी रेनाको पासमा गोल गरेका थिए । त्यसअघि डर्टमुन्डले गोलका केही सुन्दर मौक खेर फालेका थिए । राफयल गुरेरो, थोर्गन हाजार्ड र हालान्डले गोलको अवसर खेर फालेका थिए । ४०औं मिनेटमा टिमो वर्नरको प्रहार रोमन बुर्कीले बचाउदा लाइप्जिग खेल बराबरी गर्नबाच चुक्यो ।
दोस्रो हाफको सुरुमै हालान्डले सुन्दर मौका खेर फाले । ५२औं मिनेटमा राफयल गुरेरोको पासमा हालान्डको प्रहार क्रसबारमा लागेर फर्कदा डर्टमुन्ड अग्रता दोब्बर बनाउनबाट चुक्यो । ७०औं मिनेटमा प्याट्रिकको प्रहारलाई डर्टमन्डका रक्षकले ब्लक गर्दै सम्भावित बराबरी टारे । ८०औं मिनेटमा लाइप्जिगका क्रिस्टियन एन्कुकुको प्रहारले पोस्टको दिशा लिन सकेन ।
८९औं मिनेटमा टेलर एडम्सले मौकालाई सदुपयोग गर्न सकेन । इन्ज्युरी समयको थप गरिएको तेस्रो मिनेटमा हालान्डले अर्काे गोल थप्दै डर्टमुन्डलाई २–० को सहज जित दिलाए । हालान्डले यसपटक जुलियन ब्रान्डको पासमा गोल गरेका थिए ।
जितसँगै डर्टमुन्ड ३३ खेलबाट ६९ अंक जोड्दै दोस्रो स्थान पक्का गरेको छ । पराजित लाइप्जिग ६३ अंक जोडेर तेस्रो स्थानमा यथावत छ । डर्टमुन्डमाथि जित निकाल्न सकेको भए लाइप्जिगले अर्काे सिजनको लागि च्याम्पियन्स लिगमा स्थान सुरक्षित गर्ने थियो ।
हारले पनि लाइप्जिगको शीर्ष चारमा पर्ने सम्भावना जीवितै छ । अब लिगको अन्तिम खेलमा अग्सबर्गलाई पराजित गर्न सके लाइप्जिग शीर्ष चारमा रहेर अर्काे सिजनको लागि च्याम्पियन्स लिगलाई छनोट हुनेछ ।
अन्य नतिजाहरु
बायर्नविरुद्ध फ्रेइवर्ग (३–१)
एफसी कोल्नविरुद्ध आइनट्राख्ट फ्रान्कफर्ट (१–१)
फोर्टुना डुसेलडर्फविरुद्ध अग्सवर्ग (१–१)
हेर्था बर्लिनविरुद्ध बायर लिभरकुसन (२–०)
होफेनहाइनविरुद्ध युनियन बर्लिन (४–०)
मेइन्जविरुद्ध वेर्डर ब्रेमेन (३–१)
पाडेरवर्नविरुद्ध बोरुसिया मोन्चेनग्लाडवाक (१–३)
साल्केविरुद्ध वल्फ्सवर्ग (१–४)
May 18, 2024
एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]
May 17, 2024
एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]