एजेन्सी – इंग्लिस प्रिमियर लिगमा आज दोस्रो स्थानमा रहेको म्यानचेस्टर सिटीले बर्नलीको आतिथ्यता गर्दैछ । खेल इतिहाद स्टेडियममा राति ११ः४५ बजे हुनेछ ।

घरेलु मैदानमा बर्नलीलाई पराजित गर्दै सिटी शीर्ष स्थानको लिभरपुललाई लगातार दवाव दिने योजनामा हुनेछ । यद्दपि सिटी लिभरपुलसँग २२ अंकले पछि छ । लिभरपुल एभर्टनसँग पराजित भएको अवस्थामा सिटीले बर्नलीलाई पराजित गर्न सके अंक दुरी १९ मा झार्नेछ । लिभरपुलको उपाधि यात्रालाई थप लम्ब्याउने छ ।

अघिल्लो खेलमा आसर्नलमाथि ३–० को सानदार जित निकालेको सिटी सोही उच्च मनोवलका साथ मैदान उत्रनेछ । रहिम स्ट्रलिङ, रियाद महारेज, ग्याब्रियल जेसस, केभिन डि ब्रुयन, डेभिड सिल्भा, इकेए गुन्डोगान, केएल वाल्कर, बेन्जामिन मेन्डी, फिल फोडेन र सर्जियो अगुइरो जस्ता चर्चित खेलाडीहरुले जुनसुकै बेला पनि नतिजा आफ्नो पक्षमा पार्न सक्नेछ । तर, यो सिजन राम्रो फुटबल खेलिरहेको पछिल्लो पाँच खेलमा अपराजित बर्नलीविरुद्धको खेल सिटीलाई सहज हुनेछैन ।

यता, बर्नली पनि घरेलु टोलीलाई स्तब्ध पार्दै अंक तालिका थप सुधार गर्ने लक्ष्यमा मैदान उत्रनेछ । सिटीलाई पराजित गर्न सके बर्नलीले आर्सनललाई पछि पार्दै १०औं स्थानमा उक्लनेछ । क्रिस वुड, जे रोड्रिग्वेज र बेन मिले खेललाई आफ्नो पक्षमा ल्याउन सक्छन् ।