इंगलिश प्रिमिएर लिग अन्तर्गत आइतबार राति भएको खेलमा लिभरपुलले आर्सनललाई एमिरेट्स स्टेडियममा ४-३ले हरायो।

सिजनको पहिलो खेलमा आफ्नो मुख्य चार खेलाडीबिना उत्रिएको आर्सनलले सुरुवातमा उत्कृष्टखेल पस्किएपनि खेलसंगै लय गुमाउँदा हार व्यहोरेको हो। थियो वालकटको गोलमा अघि बढेको आर्सनलले पहिलो हाफको अन्त्यतिर बरीबरी गोल खायो। लिभरपुलका फिलिप कुटिन्ह्योले करिब ३०मिटर टाढाबाट विश्वस्तरिय फ्रिकिक प्रहार गरेर गोल गरेका थिए।

दोश्रो हाफमा लिभरपुल झनै आक्रमक भयो र उसले एडम लाल्लानाको गोलले २-१को अग्रता लियो।कुटिन्ह्योले पुन: गोल गर्दै खेललाई ३-१ बनाए भने लिभरपुलका नयाँ खेलाडी साडियो मानेले चौथो गोल थपे।

आर्सनलका लागि वैकल्पिक खेलाडी एलेक्स अक्सलेड च्याम्बरलेन र क्यालम च्याम्बर्सले सान्तवना गोल गरे।