4 years ago
July 1, 2020
एजेन्सी – स्पेनिस ला लिगा अन्तर्गत घरेलु मैदानमा एटलेटिको म्याड्रिडसँग बराबरीमा रोकिएपछि बार्सिलोना अंक तालिकाको दोस्रो स्थानमा नै अड्केको छ । नोउ क्याम्पमा दुई पटक अग्रता लिएपनि २-२ को बराबरी खेलेपछि बार्सिलोनाले रियललाई उछिन्ने अवसर गुमायो । खेलको ११ औं मिनेटमा नै बार्सिलोनाले अग्रता लिएको थियो । कप्तान लिओनेल मेस्सीको कर्नर प्रहारमा डिएगो कोस्टाले आफ्नै […]
एजेन्सी – स्पेनिस ला लिगा अन्तर्गत घरेलु मैदानमा एटलेटिको म्याड्रिडसँग बराबरीमा रोकिएपछि बार्सिलोना अंक तालिकाको दोस्रो स्थानमा नै अड्केको छ । नोउ क्याम्पमा दुई पटक अग्रता लिएपनि २-२ को बराबरी खेलेपछि बार्सिलोनाले रियललाई उछिन्ने अवसर गुमायो ।
खेलको ११ औं मिनेटमा नै बार्सिलोनाले अग्रता लिएको थियो । कप्तान लिओनेल मेस्सीको कर्नर प्रहारमा डिएगो कोस्टाले आफ्नै पोस्टमा गोल गरेपछि घरेलु टोली अगाडी बढेको थियो । त्यसअघि मेस्सीकै फ्रिकिकलाई कोस्टाले पोस्टको नजिकबाट क्लियर गरेपछि कर्नर प्राप्त भएको थियो ।
खेलको १९ औं मिनेटमा एटलेटिकोले बराबरी गोल फर्कायो । सौल निगुएजले दोस्रो पेनाल्टी प्रहारमा एटलेटिकोका लागि गोल गरेका थिए । आर्टुरो भिडालले यानिक करास्कोलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । तर डिएगो कोस्टाको प्रहारलाई गोलरक्षक मार्क आन्दर टेर स्टेगनले विफल पारे ।
रेफ्रीले भिडियो असिस्टेन्ट रेफ्री (भीएआर) को सहयता लिँदै पछिल्लो पेनाल्टीलाई मान्यता दिएनन् । गोलरक्षक स्टेगन कोस्टाले पेनाल्टी हान्नुअघि नै गोललाइनबाट अगाडी बढेको कारण एटलेटिकोले पुन: पेनाल्टी प्रहार गर्ने अवसर पाएको थियो । दोस्रो अवसरमा भने साउल निगुएजले गोल गर्दै खेल बराबरीमा ल्याए ।
४२ औं मिनेटमा मेस्सीले झन्डै ३० यार्ड टाढाबाट गरेको फ्रिकिकलाई गोलरक्षक यान ओब्लाकले उत्कृष्ट बचाउ गरे । इन्ज्युरी समयमा डिएगो कोस्टाको प्रयासलाई जोर्डी अल्बाले विफल पार्दै खेल बराबरीमा राखे ।
दोस्रो हाफको सुरुवातमै बार्सिलोनाले पेनाल्टीको अवसर प्राप्त गर्यो । एटलेटिकोका फेलिपेले नेल्सन सेमेडोलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । मेस्सीले पनेंका चिप प्रहार गर्दै यान ओब्लाकलाई विपरित दिशामा पठाएपछि खेलमा बार्सिलोनाले अग्रता लियो । यो मेस्सीको करिअरको ७ सयौं गोल पनि थियो ।
खेलको ५५ औं मिनेटमा एटलेटिकोले खेल बराबरीमा ल्याउने सुवर्ण अवसरको सदुपयोग गर्न सकेन । आरियासको क्रसमा डिएगो कोस्टाको हेडर पोस्टभन्दा थोरैले बाहिर गएको थियो ।
६२ औं मिनेटमा रेफ्रीले एटलेटिकोलाई अर्को पेनाल्टी दिए । नेल्सन सेमेडोले पेनाल्टी क्षेत्रभित्र यानिक करास्कोलाई लडाएपछि रेफ्रीले निर्णय दिएका थिए । अघिल्लो पटक गोल गरेका साउलले नै दोस्रो पेनाल्टी पनि लिए । यसपटक उनको प्रहारको दिशा टेर स्टेगनले ठम्याउन सकेपनि बल उनलाई लाग्दै गोलमा परिणत भएको थियो ।
इन्ज्युरी समयमा एटलेटिकोका लेमारले सुवर्ण अवसर खेल फालेपछि बार्सिलोना हारबाट जोगियो । काउन्टर अट्याकमा उनले गोलरक्षक बिट भएको अवस्थामा बलमा नियन्त्रण गर्न नसक्दा खेल बराबरीमा नै सकिएको थियो ।
बार्सिलोनाको ३३ खेलमा ७० अंक भएको छ । एटलेटिको भने ३२ खेलमा ५९ अंकसाथ तेस्रो स्थानमा नै यथावत छ । यस नतिजाले रियलले अंक तालिकामा १ अंकको अग्रता बनाएको छ । एक खेल कम खेलेको रियलले बिहीबार गेटाफेसंग खेल्नेछ ।
यो पनि पढ्नुहोस :
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]