4 years ago
July 1, 2020
एजेन्सी – इटालियन सिरी ए अन्तर्गत शीर्षस्थानको युभेन्टसले मंगलबार रातिको खेलमा जेनोआलाई ३-१ को अन्तरले पराजित गरेको छ । खेलको सबै गोल दोस्रो हाफमा सम्भव भएको थियो । पहिलो हाफमा बल पोसेसन र आक्रमणमा एकतर्फी दबाब कायम गरेपनि युभेन्टसले गोल गर्न भने सकेन । दोस्रो हाफमा भने थप आक्रामक देखिएको युभेन्टसले पाउलो डिबालाको गोलमा अग्रता […]
एजेन्सी – इटालियन सिरी ए अन्तर्गत शीर्षस्थानको युभेन्टसले मंगलबार रातिको खेलमा जेनोआलाई ३-१ को अन्तरले पराजित गरेको छ । खेलको सबै गोल दोस्रो हाफमा सम्भव भएको थियो ।
पहिलो हाफमा बल पोसेसन र आक्रमणमा एकतर्फी दबाब कायम गरेपनि युभेन्टसले गोल गर्न भने सकेन । दोस्रो हाफमा भने थप आक्रामक देखिएको युभेन्टसले पाउलो डिबालाको गोलमा अग्रता लियो । ५० औं मिनेटमा जुआन क्वाडराडोको पासलाई पेनाल्टी क्षेत्रभित्र लाग्दै डिबालाले राम्रो फिनीस गरेका थिए ।
अग्रता लिएको ६ मिनेटपछि नै युभेन्टसले अग्रता दोब्बर पार्यो । क्रिस्टियानो रोनाल्डोले लिग सिजनको २४ औं गोल गर्दै खेलमा बलियो पकड बनाए । मिरालेम प्यानिचको पासलाई जेनोआको हाफको आधा भाग बल अगाडी बढाएपछि झन्डै २५ यार्ड टाढाबाट रोनाल्डोले गरेको प्रहार गोलमा परिणत भएको थियो ।
खेलको ७३ औं मिनेटमा डग्लस कोस्टाले अर्को उत्कृष्ट गोल गरे । उनले पेनाल्टी क्षेत्रको ठिक बाहिरबाट गरेको प्रहार टप कर्नरमा गोल भएको थियो । त्यसको दुई मिनेटमा नै जेनोआले गोल गर्दै खेलमा फर्कने संकेत देखायो । आन्द्रीए पिनामोन्टीले एन्टोनियो बार्रेकाको पासमा गोल गरेका थिए ।
त्यसअघि लाजियोले टोरिनोको मैदानमा २-१ को जित दर्ता गर्दै युभेन्टसमाथि दबाब राखेको थियो । लाजियोले पहिलो हाफमा पछाडी परेपनि दोस्रो हाफमा २ गोल फर्काउँदै उपाधि होड रोमान्चक बनाएको हो । आन्द्रीए बेलोट्टीले पाँचौ मिनेटमा पेनाल्टीमार्फत गोल गर्दै घरेलु टोलीलाई अग्रता दिलाएका थिए ।
तर दोस्रो हाफको तेस्रो मिनेटमा नै चिरो इम्मोबिलेले उच्च लयलाई कायम राख्दै खेल बराबरीमा ल्याए । उनले लुइस अल्बर्टोको पासलाई गोलमा परिणत गरेका थिए । ७२ औं मिनेटमा इम्मोबिलेकै पासमा मार्को पारोलोले गोल गर्दै लाजियोको जित पक्का गरेका थिए ।
यस जितसँगै युभेन्ट्सले लिगको शीर्षस्थानमा ४ अंकको अग्रता कायम राख्न सफल भयो । युभेन्टसको २९ खेलमा ७२ अंक छ । दोस्रो स्थानको लाजियोको २९ खेलमा ६८ अंक रहेको छ ।
यो पनि पढ्नुहोस :
एटलेटिकोसँग बराबरी खेलेपछि बार्सिलोना दोस्रो स्थानमै
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]