4 years ago
July 7, 2020
एजेन्सी – बार्सिलोनाका अध्यक्ष जोसेप मारिया बार्टोमेउले भिडियो असिस्टेन्ट रेफ्री (भीएआर) प्रविधिले रियल म्याड्रिडलाई फाइदा पुग्ने तरिकाले निर्णय दिइरहेको आरोप लगाएका छन् । बार्सिलोना र रियल म्याड्रिड अहिले स्पेनिस लिगको उपाधि होडमा छन् । बार्सिलोनाले शनिबारको खेलमा भिल्लारियललाई ४-१ ले पराजित गर्दै रियलसँग अंकको दुरी ४ अंकमा झारेको छ । त्यसअघि रियलले एथ्लेटिक बिल्बाओमाथि १-० […]
एजेन्सी – बार्सिलोनाका अध्यक्ष जोसेप मारिया बार्टोमेउले भिडियो असिस्टेन्ट रेफ्री (भीएआर) प्रविधिले रियल म्याड्रिडलाई फाइदा पुग्ने तरिकाले निर्णय दिइरहेको आरोप लगाएका छन् ।
बार्सिलोना र रियल म्याड्रिड अहिले स्पेनिस लिगको उपाधि होडमा छन् । बार्सिलोनाले शनिबारको खेलमा भिल्लारियललाई ४-१ ले पराजित गर्दै रियलसँग अंकको दुरी ४ अंकमा झारेको छ । त्यसअघि रियलले एथ्लेटिक बिल्बाओमाथि १-० को जित निकाल्दै ७ अंकको अग्रता बनाएको थियो ।
अध्यक्ष बार्टोमेउले रियलले एथ्लेटिकको मैदान सान मामेसमा रियलले खेल जित्दा भएको निर्णायक गोलको विषयमा बोल्दै असन्तुष्टि जाहेर गरेका हुन् । रियलले खेलको ७६ औं मिनेटमा सर्जियो रामोसको पेनाल्टी गोलमार्फत जित हासिल गरेको थियो ।
रेफ्रीले भीएआरको सहायता लिँदै उक्त पेनाल्टी दिएका थिए । तर त्यसै खेलको अन्तिम समयतिर अघिल्लो पेनाल्टीजस्तै अवस्थामा भने बिल्बाओले पेनाल्टी पाएको थिएन । यसै विषयलाई लिएर बिल्बाओले असहमति त जनायो नै, बार्सिलोनाका अध्यक्षले पनि सार्वजनिक रुपमा नै असन्तुष्टि पोखेका छन् ।
‘मैले सान मामेसमा रियलको खेल पनि हेरें । उक्त खेलपछि मलाई दुख लागेको छ । हामी विश्वकै उत्कृष्ट लिग खेलिरहेका छौं भन्छौं तर कोरोनापछी लिग सुचारु हुँदा भीएआरले सबैला न्याय पुग्ने निर्णय दिइरहेको छैन,’ अध्यक्ष बार्टोमेउले भने, ‘यसले नतिजा नै परिवर्तन गरिरहेको छ र केहि सिमित टोलीलाई मात्र फाइदा पुगेको छ ।’
कोरोनाबाट लिग प्रभावित हुनुअघि बार्सिलोना लिग तालिकामा २ अंकले अगाडी थियो । तर पछिल्ला खेलमा अपेक्षित नतिजा हासिल गर्न नसक्दा रियलले ४ अंकको अग्रता लिइसकेको छ । लिगमा मात्र ४ खेल बाँकी रहेको अवस्थामा रियलले अब उपाधि गुमाउने सम्भावना निकै कम छ ।
कोरोनापछि भएका ७ खेलमध्य रियलले सबै खेलमा जित हासिल गरेको छ । त्यसैले पनि टोली अहिले शीर्षस्थानमा सुदृढ रहेको छ । यता बार्सिलोना भने सेभिल्ला, सेल्टा भिगो र एटलेटिको म्याड्रिडसँग बराबरीमा रोकिँदै अंक गुमाउन बाध्य भयो । रियलले यसक्रममा जम्मा २ गोल मात्र खाएको छ ।
रियलले अब लिगमा अलभेस र भिल्लारियलसँग घरेलु मैदानमा खेल्न बाँकी छ । टोलीले ग्रानडा र लेगानेसको मैदानमा पनि खेल्नेछ । यता बार्सिलोनाले घरेलु मैदानमा एस्पान्योल र ओसासुनासँग खेल्दा अलाभेस र रियल भालाडोलिडको मैदानमा पनि खेल बाँकी छ ।
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]