अखिल नेपाल फुटबल संघ (एन्फा)ले सहिद स्मारक बि डिभिजन लिग यहि भाद्र ५ गतेबाट सुरु गर्ने भएको छ।
सशस्त्र प्रहरी बलको हल्चोक स्थित रंगशालामा आइताबार उदघाटन हुने प्रतियोगितामा १४ टोलि सहभागी हुदै छन्। बाँसबारी क्लब, ब्वाइज युनियन क्लब, च्यासल युथ क्लब, खुमलटार युथ क्लब, मध्यपुर युथ एसोसिएसन, महाबिर क्लब, नयबस्ती युथ क्लब, न्यु रोड टिम (एन.आर.टि), पुल्चोक स्पोर्ट्स क्लब, रानीपोखरी कर्नर टिम (आर.सी.टि), सामाजिक युथ क्लब, सातदोबाटो युथ क्लब, श्री कुमारी क्लब र टुसाल युथ क्लबले यस प्रतियोगिता खेल्दैछन्।
लिगमा पहिलो र दोश्रो हुने टोलि आगामी वर्ष ‘ए’ डिभिजनमा बढुवा हुने छ भने अन्तिमका दुइ टोलि ‘सी’ डिभिजनमा झर्नेछन। लिग तयारीको लागि एन्फाले प्रत्येक टोलीलाई चार लाख रुपैयाँ दिएको छ भने लिग विजेता टोलीलाई पाँच लाख रुपैयाँ प्रदान गरिनेछ। दोश्रो, तेश्रो र चौथो टोलीले क्रमश: रु.२,५०,०००, रु.१,५०,००० र रु.७५,००० पाउनेछन्। एकल विधामा उत्कृष्ट हुने पाँच जनाले जनही रु.२५,००० पाउनेछन्।
लिगको पहिलो खेल खुमलटार युथ क्लब र मध्यपुर युथ एसोसिएसनले आइतबार दिउसो १;३० बजे हल्चोकमा खेल्नेछन्।
