बार्सिलोनाले स्पेनिश ला लिगा २०१६/१७ सिजनको पहिलो खेलमा रियल बेटिसविरुद्ध ६-२को सहज जित दर्ता गर्दै उपाधि दौडमा आफ्नो दावेदारी प्रस्तुत गरेको छ।
खेलको छैंठौ मिनेटनै आर्डा टुरानले गोलगर्दै बार्सिलोनालाइ अघि बढाएका थिए। तर, बेटिसले २१औं मिनेटमा रुबेन क्यास्ट्रोको गोलको मद्दतले खेललाई बराबरीमा ल्यायो। त्यसपछि लियोनेल मेस्सीले ३७औं मिनेटमा र लुइस सुआरेजले ४२औं मिनेटमा गोल गर्दै बार्सिलोनालाइ मध्यान्तरमा ३-१को अग्रता दिलाए।
दोश्रो हाफमा झनै आक्रामक देखिएको बार्सिलोनाका लागि लुइस सुआरेजले ५६औं र ८२औं मिनेटमा गोल गर्दै ह्याट्रिक पुरा गरे भने मेस्सिले ५८औं मिनेटमा आफ्नो दोश्रो गोल गरे। खेलको ८४औं मिनेटमा रुबेन क्यास्ट्रोले बेटिसका लागि सान्तवना गोल थपे।
