एजेन्सी – फ्रान्सेली प्रशिक्षक जिनेदिन जिदानले अर्को सिजनमा पनि रियल म्याड्रिडलाई प्रशिक्षण दिने सम्भावना छ । यो सिजन ला लिगाको अन्त्यसँगै फ्रान्सेली जिदान र क्लबका अध्यक्ष फ्लोरेन्टिनो पेरेजबीचको छलफलपछि उनले अर्को सिजन पनि रियललाई प्रशिक्षण दिने सहमति भएको बुझिएको छ ।

जिदानको भविष्यलाई लिएर उत्पन्न शंका टोलीले ३४ औं लिग उपाधि जितेसँगै टुंगिएको यिथो । जिदानको दोस्रो कार्यकाल पहिलो जस्तो नरहने अनुमान गरिको थियो । त्यहि शंकाका बीचमा जिदानले रियललाई लिग उपाधि जिताए । जसले गदौ उनी आउने सिजन २०२०-२१ मा पनि टोलीमा रहने विश्वास गरिएको छ ।

‘रियलका लागि जिदान भाग्यशाली छन्’, टोलीका कप्तान सर्जियो रामोसले बिहीबार राती उपाधि उचालेपछि भने ।

त्यसो त क्लब र जिदानबीच अझै दुई वर्ष सम्झौता बाँकी छ । तर सम्झौता उनका लागि कहिल्यै बाधक रहेन । खेलाडीका रुपमा रियलमा रहँदा पनि एक वर्षको सम्झौता बाँकी रहँदै उनले फुटबलबाट सन्यास लिएका थिए । रियलको आफ्नो पहिलो कार्यकालमा पनि उनले लगातार तीन पटक च्याम्पियन्स लिग उपाधि जितेपछि क्लब छाडेका थिए ।

जिदानले गत वर्षमै ला लिगा जित्ने संकेत गरेका थिए । तर, गालातासारेसँग खेल्न इस्तानबुल जानुअघि रियल मार्लोकासँग पराजित भएको थियो । त्यो उनका लागि कठीन क्षण थियो । २०२० को सुरुवातमा रियल म्यानचेस्टर सिटीसँग र ला लिगामा रियल बेटिससँग पराजित भएको थियो ।

कोरोना भाइरसका कारण स्थगित लिग सुरु भएपछि भने रियले स्तरिय प्रदर्शन गर्यो । जसले गर्दा जिदनको भविष्यमा अर्को सिजनका लागि क्बलमा सुरक्षित भएको छ । उनलाई थाहा छ अर्को सिजनका लागि टोलीका खेलाडीका बारेमा निर्णय लिनुछ । ग्यारेथ बेल, हामेस रोड्रिग्वोज र अन्य खेलाडीको समस्यालाई पनि उनले समाधान गर्नुपर्ने अवस्था छ ।