काठमाडौं – पूर्व उपप्रधानमन्त्री कमल थापाका पिताका नाममा स्थापना भएको छत्रबहादुर थापा स्मृति ट्रष्टले राष्ट्रिय फुटबल टोलीका स्ट्राइकर नवयुग श्रेष्ठलाई मंगलबार नगदसहित सम्मान गरेको छ । मंगलबार राजधानीमा ट्रष्टको उद्घाटनमा प्रधान सेनापति राजेन्द्र क्षेत्रीले नवयुगलाई ५० हजार रुपैयाँ र सम्मान पत्र प्रदान गरे । नवयुग सेनाका खेलाडी हुन् ।
ट्रष्टले नवयुगलाई लोकप्रिय र उदयीमान खेलाडीका रुपमा सम्मान गरेकोब ताएको छ । नेपाली राष्ट्रिय टोलीले माघमा बंगबन्धु गोल्डकप जित्दा र फागुनमा फागुनमा दक्षिण एसियाली खेलकुद (साग) मा यू २३ मा स्वर्ण पदक जित्दा नवयुग मुख्य स्ट्राइकर थिए । ट्रष्टले श्रीपाली सुयल थापा प्रतिष्ठान, तनँहुको गाँउ सेवा समाजलाई पनि सम्मान गरिएको थियो । राष्ट्रपतिका सुरक्षा विज्ञ नेत्रबहादुर ट्रष्टका अध्यक्ष हुन् । छत्रबहादुरका तीन छोरा मध्ये नेत्रबहादुर जेठा, कमल माइला र अखिल नेपाल फुटबल संघ (एन्फा) का पूर्व अध्यक्ष एवंम् सभासद गणेश कान्छा हुन् । ट्रष्टका अध्यक्ष नेत्रबहादुरले ट्रष्टले सामाजिक कामका साथै खेलकुद विकासमा पनि प्रयास गर्ने बताएका छन् ।
