एजेन्सी – युरोपा लिगको प्रि–क्वाटरफाइनल अन्तर्गत बिहीबार राति विभिन्न चार खेलमा प्रतिस्पर्धा हुदैछ । स्पेनिस क्लब सेभिल्लाले इटालियन क्लब रोमाको सामना गर्दा जर्मन क्लब बायर लिभरकुसन, आइनट्राख्ट फ्रन्कफर्ट र इंग्लिस क्लब वल्भ्सले आ–आफ्नो प्रतिद्वन्द्वीसँग प्रतिस्पर्धा गर्दैछ ।

सेभिल्ला र रोमाबीचको खेल जर्मनीमा नेपाली समयअनुसार राति १०ः४० बजे हुनेछ । पाँच पटकको युरोपा लिगको च्याम्पियन सेभिल्ला रोमालाई पराजित गर्दै अन्तिम आठमा पुग्ने दाउमा हुनेछ । यो सिजन स्पेनिस ला लिगामा चौथो स्थानमा रहेर च्याम्पियन्स लिगलाई छनोट भएको सेभिल्लाका लागि रोमाविरुद्ध लुकास ओकम्पास, लुक डि जङ, जेसस नाभास र डिएगो कार्लाेस मुख्य हतियार हुनेछ ।

यता, रोमा पनि सेभिल्लालाई पराजित गर्दै अघिल्लो चरणमा पुगने दाउमा हुनेछ । रोमाले पनि सिरी ‘ए’ मा पाँचौ स्थानमा रहेर अर्काे सिजनको लागि युरोपा लिगमा स्थान बनाएको छ ।  रोमाका लागि इडेन जेको, हेनरिक मिखिटरयान, एलेक्सन्डर कोलारोभ र ब्रुनो पेरेस हुनेछ ।

यि दुई टोलीले हालसम्म दुईपटक आमने सामने भएका छन् । जसमा दुवै टोलीले समान एक खेल जितेका छन् । त्यसैले यि दुई टोलीबीचको खेल रोमाञ्चक र प्रतिस्पर्धात्मक हुने छ ।

यस्तै अर्काे खेलमा जर्मन क्लब बायर लिभरकुसनले स्कटिस क्लब रेन्जर्सको सामना गर्दैछ । खेल लिभरकुसनको घरेलु मैदानमा राति १०ः४० बजे हुनेछ । पहिलो लेगमा ३–१ को जित निकालेको कारण लिभरकुसनलाई यही नतिजा नै क्वाटरफाइनल पुग्न पर्याप्त हुनेछ । रेन्जर्सलाई क्वाटरफाइनल प्रवेश गर्न कम्तीमा पनि ३–० को जित आवश्यक छ ।

यस्तै अर्काे खेलमा स्वीस क्लब बसेलले जर्मन क्लब फ्रान्कफर्टको सामना गर्दैछ । पहिलो लेगमा बसेल ३–० ले अघि छ ।  यस्तै अर्काे खेलमा इंग्लिस क्लब वल्भ्सले ग्रीसको ओलम्पियाकोसको सामना गर्दैछ । यि दुई टोलीले पहिलो लेगमा १–१ गोलको बराबरी खेलेका थिए ।

खेल गोलरहित बराबरीमा टुंगिए वल्भ्स अवे गोलको आधारमा क्वाटरफाइनल प्रवेश गर्नेछ । आलेम्पियाकोसलाई अघिल्लो चरण प्रवेश गर्न कम्तीमा पनि १–० को जित आवश्यक छ ।

अन्य खेल

बायर लिभरकुसनविरुद्ध रेन्जर्स (राति १०ः४० बजे)

बसेलविरुद्ध फ्रान्कफर्ट (राति १२ः४५ बजे)

वल्भ्सविरुद्ध ओलम्पियाकोस (राति १२ः४५ बजे)