एजेन्सी – रियल म्याड्रिडका मिडफिल्डर टोनी क्रुसले आफ्नो आदर्श पहिलो रोजाई चुनेका छन् । उनको टोलीमा जर्मन राष्ट्रिय फुटबल टोली र रियलबाट खेलेका खेलाडी मात्र समावेश छन् । जसमा रियलका कप्तान सर्जियो रामोस पनि अटाएका छन् ।

उनी सर्वकालिन उत्कृष्ट सेन्ट्रल डिफेन्डर मध्येका एक हुन्, क्रुसले भनेका छन् । उनले आफ्नो खेल जीवनमा खेलेका मध्ये रियलका पूर्व सुपर स्टार क्रिस्टियानो रोनाल्डो, लुका मोड्रिच र कासिमेरोलाई पनि आफ्नो पहिलो रोजाईमा राखेका छन् ।

बायर्न म्युनिखका गोलकिपर म्यानुलय नुयोर, बायर लेभरकुसनका स्टेफन रेर्नाट्ज, गोन्जालो क्यास्ट्रो पनि उनले आफ्नो आदर्श टोलीमा समेटेका छन् । जर्मनकै जोसु किमिच, थोमस मुलर र अहिले सन्यास लिइसकेको मिरोस्लाभ क्लोजलाई उनले आफ्नो पहिलो रोजाईमा समावेश गरको छन् ।

क्रुस सम्मलित टोलीले शुक्रबार च्याम्पियन्स लिग टोलीको प्रिक्वार्टरफाइनलको दोस्रो लेगमा प्रिमियर लिग टोली म्यानचेस्टर सिटीको सामना गर्नेछ । रियलले यसपटक ला लिगा उपाधि जितेको थियो ।

कोभिड १९ का कारण ला लिगासहित युरोप र विश्वकै फुटबल गतिविधि ठप्पै थियो । कोभिड १९ को संकक्रमको महामारी अन्त्य नभएपनि युरोपियन फुटबल सुरु हुँदा विना दर्शक खेल भइरहेका छन् । रियलले यसपटकको ला लिगा उपाधि जितेको थियो ।